യുകെയിലെ ‘യഥാർത്ഥ’ പ്രവാസജീവിതം; പത്ത് മിനിറ്റ് പോലും ഒരുമിച്ചിരിക്കാൻ കഴിയാത്ത ദമ്പതികളുടെ വൈറൽ വീഡിയോ

  വിദേശത്തെ ജോലിത്തിരക്കുകൾക്കിടയിൽ സ്വന്തം പങ്കാളിയുമായി ഒന്ന് സംസാരിക്കാൻ പോലും സമയം കണ്ടെത്താൻ കഴിയാത്ത പ്രവാസികളുടെ കഠിനമായ ജീവിത യാഥാർത്ഥ്യം വെളിപ്പെടുത്തുന്ന ഒരു വീഡിയോ സമൂഹ മാധ്യമങ്ങളിൽ വൈറലാകുന്നു. ലണ്ടനിൽ താമസിക്കുന്ന ഒരു ഇന്ത്യൻ ദമ്പതികളാണ് ഈ വീഡിയോ പങ്കുവെച്ചത്.

റീൽ ജീവിതവും യഥാർത്ഥ ജീവിതവും 2025 ജൂലൈയിൽ യുകെയിലേക്ക് കുടിയേറിയ സേബ സെയ്ഫിയാണ് ഇൻസ്റ്റാഗ്രാമിലൂടെ ഈ വീഡിയോ പങ്കുവെച്ചത്. “യുകെയിലെ റീൽ ജീവിതവും യഥാർത്ഥ ജീവിതവും” (Reel Life vs Real Life in the UK) എന്ന അടിക്കുറിപ്പോടെയാണ് സേബ ഈ ദൃശ്യങ്ങൾ പോസ്റ്റ് ചെയ്തത്.

ഒരു റെയിൽവേ സ്റ്റേഷനിൽ വെച്ച് സേബയും ഭർത്താവും അപ്രതീക്ഷിതമായി കണ്ടുമുട്ടുന്നതാണ് വീഡിയോയുടെ ഉള്ളടക്കം.       View this post on Instagram            A post shared by Z E B A S A I F I (@zebasaifi_in_london)   സേബ തന്‍റെ പകൽ ഷിഫ്റ്റിലെ ജോലിക്കായി പോകുമ്പോൾ, ഭർത്താവ് രാത്രി ഷിഫ്റ്റ് കഴിഞ്ഞ് മടങ്ങുകയായിരുന്നു.

ഇരുവരുടെയും ജോലി സമയങ്ങളിലെ ഈ വ്യത്യാസം കാരണം വീട്ടിൽ വെച്ച് ഒരു പത്തു മിനിറ്റ് പോലും ഒരുമിച്ചിരുന്ന് സംസാരിക്കാൻ ഇവർക്ക് സമയം ലഭിക്കാറില്ല. റെയിൽവേ സ്റ്റേഷനിലെ ഈ നിമിഷങ്ങൾ മാത്രമാണ് ഇവർക്ക് പരസ്പരം കാണാൻ ലഭിക്കുന്ന ഏക അവസരം.

ലളിതമല്ല ജീവിതം സമൂഹ മാധ്യമങ്ങളിൽ പലപ്പോഴും വിദേശ ജീവിതം ആഡംബരപൂർണ്ണമായി ചിത്രീകരിക്കപ്പെടാറുണ്ട്. എന്നാൽ, അതിന് പിന്നിലെ കഠിനാധ്വാനവും ഏകാന്തതയും എത്രത്തോളമുണ്ടെന്ന് സേബയുടെ പങ്കാളി വീഡിയോയിൽ വ്യക്തമാക്കുന്നു.

റീലുകളിൽ കാണുന്നതുപോലെ അത്ര ലളിതമല്ല യഥാർത്ഥ ജീവിതമെന്ന് അദ്ദേഹം ഓർമ്മിപ്പിച്ചു. വിദേശത്ത് ലഭിക്കുന്ന മെച്ചപ്പെട്ട

ജീവിത സാഹചര്യങ്ങൾക്കായി അവർ നൽകുന്ന വലിയ വിലയാണ് തങ്ങളുടെ വ്യക്തിജീവിതമെന്ന് ഈ വീഡിയോ അടിവരയിടുന്നു. ഈ വീഡിയോ കണ്ട

പലരും ഞെട്ടലോടെയാണ് പ്രതികരിച്ചത്. “ജോലി മാറ്റിക്കൂടെ?” എന്ന് ചിലർ ആശ്ചര്യപ്പെട്ടപ്പോൾ, “നിങ്ങളുടെ ഈ കഠിനാധ്വാനത്തിന് ഭാവിയിൽ തീർച്ചയായും വലിയ ഫലം ലഭിക്കും” എന്ന് മറ്റുചിലർ ഇവരെ ആശ്വസിപ്പിച്ചു.

“ഈ ത്യാഗങ്ങൾ വെറുതെയാവില്ല,” എന്നായിരുന്നു മൂന്നാമതൊരാളുടെ കമന്റ്. …