ന്യൂസിലന്ഡിനെതിരെ മൂന്നാം ടി20യില് മലയാളി താരം സഞ്ജു സാംസണ് നിരാശപ്പെടുത്തുകയാണുണ്ടായത്. ഇന്ന് നേരിട്ട
ആദ്യ പന്തില് തന്നെ സഞ്ജു പുറത്തായി. ഇതോടെ ഏറ്റവും കൂടുതല് തവണ സംപൂജ്യനായി മടങ്ങുന്ന താരങ്ങളുടെ പട്ടികയില് സഞ്ജു രണ്ടാമനായി.
പട്ടികയില് മുന് ഇന്ത്യന് ക്യാപ്റ്റന് രോഹിത് ശര്മയാണ് ഒന്നാമന്. 12 തവണ അദ്ദേഹം പൂജ്യത്തിന് പുറത്തായിട്ടുണ്ട്.
151 ഇന്നിംഗ്സുകളില് നിന്നാണിത്. ഏഴാം തവണയാണ് സഞ്ജു പൂജ്യത്തിന് മടങ്ങുന്നത്.
47 ഇന്നിംഗ്സില് നിന്നാണിത്. ഈ പരമ്പരയില് ആദ്യമായിട്ടാണ് സഞ്ജു പൂജ്യത്തിന് മടങ്ങുന്നത്.
ഇക്കാര്യത്തില് വിരാട് കോലിക്കൊപ്പമാണ് സഞ്ജു. മുന് ഇന്ത്യന് ക്യാപ്റ്റനായ കോലിയും ഏഴ് തവണ പൂജ്യത്തിന് പുറത്തായിട്ടുണ്ട്.
കോലി ഇന്ത്യക്ക് വേണ്ടി 117 ടി20 ഇന്നിംഗുകളാണ് കളിച്ചത്. ഇത്രയും ഇന്നിംഗ്സില് ഏഴ് തവണ മാത്രമാണ് കോലി സംപൂജ്യനായത്.
ന്യൂസിലന്ഡിനെതിരെ മോശം ഫോമിലാണ് സഞ്ജു കളിച്ചുകൊണ്ടിരിക്കുന്നത്. ആദ്യ മത്സരത്തില് 10 റണ്സ് നേടിയ സഞ്ജു, രണ്ടാം ടി20യില് ആറ് റണ്സിന് പുറത്തായിരുന്നു.
തുടച്ചയായ മൂന്നാം മത്സരത്തിലും നിരാശപ്പെടുത്തിയതോടെ വലിയ രീതിയിലുള്ള വിമര്ശനങ്ങളാണ് സഞ്ജുവിനെതിരെ വരുന്നത്. തന്റെ പ്രതിഭയോടെ നീതി പുലര്ത്താന് സാധിക്കുന്നില്ലെന്നുമൊക്കെയാണ് സഞ്ജുവിനെതിരെ ഉയരുന്ന വിമര്ശനം.
ടി20 ലോകകപ്പ് ടീമിലും സഞ്ജു സ്ഥാനം അര്ഹിക്കുന്നില്ലെന്നും ചിലര്. ടി20 മത്സരങ്ങളില് സൂര്യകുമാര് യാദവ് ആറ് തവണ പൂജ്യത്തിന് പുറത്തായിട്ടുണ്ട്.
96 ഇന്നിംഗ്സുകളില് നിന്നാണ് ഇന്ത്യന് ക്യാപ്റ്റന് ആറ് തവണ സംപൂജ്യനായി മടങ്ങിയത്. 68 ഇന്നിംഗ്സുകള് കളിച്ചിട്ടുള്ള കെ എല് രാഹുല് അഞ്ച് തവണ പൂജ്യത്തിന് മടങ്ങി.
നിലവില് ടി20 ഫോര്മാറ്റില് കളിക്കുന്നില്ല രാഹുല്. സഞ്ജുവിന് ബാക്ക് അപ്പായി ടീമിലെത്തിയ ഇഷാന് കിഷന് മികച്ച ഫോമിലാണ്.
ഈ ഫോം തുടര്ന്നാല് സഞ്ജുവിനെ മറികടന്ന് ലോകകപ്പ്് വിക്കറ്റ് കീപ്പറുമായേക്കാം. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
