താഴ്ന്നിട്ടും തളരാതെ സ്വർണവില; ഇന്ന് നേരിയ ഇടിവ്, എങ്കിലും റെക്കോർഡിന് തൊട്ടടുത്ത്

സ്വർണവില കേരളത്തിൽ ഇന്നു രാവിലെ രാജ്യാന്തര ചുവടുപിടിച്ച് അൽപം താഴ്ന്നു. എങ്കിലും കേരളത്തിലും രാജ്യാന്തര വിപണിയിലും റെക്കോർഡിന് തൊട്ടടുത്തുതന്നെ നിലയുറപ്പിച്ചിരിക്കുകയാണ് സ്വർണം.

സംസ്ഥാനത്ത് ഗ്രാമിന് 20 രൂപ മാത്രം കുറഞ്ഞ് വില 13,145 രൂപയായി. 160 രൂപ താഴ്ന്ന് 1,05,160 രൂപയാണ് പവൻ വില.

ഇക്കഴിഞ്ഞ ബുധനാഴ്ച രേഖപ്പെടുത്തിയ 1,05,600 രൂപയാണ് കേരളത്തിലെ റെക്കോർഡ്.
ഇറാൻ-അമേരിക്ക, റഷ്യ-യുക്രെയ്ൻ തുടങ്ങിയ ഭൗമരാഷ്ട്രീയ പ്രശ്നങ്ങളും അമേരിക്കയിൽ കേന്ദ്രബാങ്കായ ഫെഡറൽ റിസർവ് ഇനിയും കുറയ്ക്കാനുള്ള സാധ്യതകളുമാണ് സ്വർണവിലയെ ആഗോളതലത്തിൽ റെക്കോർഡ് തലത്തിൽ തന്നെ നിലനിർത്തുന്നത്. ലാഭമെടുപ്പ് സമ്മർദമുണ്ടെങ്കിലും വിലയിൽ സാരമായ ഇടിവിന് അതു പര്യാപ്തമായിട്ടില്ല.

ഔൺസിന് 18 ഡോളർ മാത്രം കുറഞ്ഞ് 4,601 ഡോളറിലാണ് രാജ്യാന്തര വിപണിയിൽ ഇപ്പോൾ വ്യാപാരം.
കേരളത്തിൽ 18 കാരറ്റ് സ്വർണവില ഇന്ന് ഓൾ കേരള ഗോൾഡ് ആൻഡ് സിൽവർ മർച്ചന്റ്സ് അസോസിയേഷന്റെ (എകെജിഎസ്എംഎ) നിർണയപ്രകാരം ഇന്ന് ഗ്രാമിന് 15 രൂപ താഴ്ന്ന് 10,895 രൂപയായി. വെള്ളിവില ഗ്രാമിന് 3 രൂപ കുറഞ്ഞ് 292 രൂപ.

കേരള ഗോൾഡ് ആൻഡ് സിൽവർ മർച്ചന്റ്സ് അസോസിയേഷന്റെ വിലനിർണയ പ്രകാരം 18 കാരറ്റ് സ്വർണവില ഗ്രാമിന് 15 രൂപ കുറഞ്ഞ് 10,805 രൂപയാണ്. വെള്ളിവില ഗ്രാമിന് 2 രൂപ വർധിച്ച് 292 രൂപയായി.
ബിസിനസ്, ഇക്കണോമി, സ്റ്റോക്ക് മാർക്കറ്റ്, പഴ്സനൽ ഫിനാൻസ്, കമ്മോഡിറ്റി, സമ്പാദ്യം വാർത്തകൾക്ക്:
… FacebookTwitterWhatsAppTelegram