ഉദുമ ∙ മാങ്ങാട്ടെ വീട്ടിൽ പട്ടാപ്പകൽ നാടോടികൾ എസി അടിച്ചുമാറ്റി ആക്രിക്കടയിൽ വിറ്റു. സിസിടിവി വഴി സംഭവം ദുബായിൽ ഫോണിൽ കണ്ട
വീട്ടുകാർ പൊലീസിനെ അറിയിച്ച് പിടികൂടി. കഴിഞ്ഞ ദിവസം രാവിലെയാണ് കവർച്ച നടന്നത്.
മാങ്ങാട് കൂളിക്കുന്നിലെ വീട്ടിൽ എല്ലാവരും ദുബായിൽ പോയിരുന്നു. വീട് നോക്കി നടത്തുന്ന വ്യക്തിയും സ്ഥാലത്തില്ലായിരുന്നു. പുതിയ എസി വാങ്ങിയതിനാൽ പഴയത് വീട്ടുമുറ്റത്തു വച്ചിരുന്നു.
വീട്ടിൽ ആരുമില്ലെന്ന് കണ്ടതോടെ മൂന്നു നാടോടികൾ ഗേറ്റ് തുറന്ന് അകത്ത് കയറി രണ്ടുപേർ ചേർന്ന് എടുത്തുകൊണ്ടു പോകുകയായിരുന്നു.
മറ്റൊരാൾ അവിടെയുള്ള സാധനങ്ങൾ ചാക്കിലാക്കി. സിസിടിവിയിലെ ദൃശ്യം അപ്പോൾ തന്നെ വീട്ടുടമ മൊബൈലിൽ കാണുന്നുണ്ടായിരുന്നു.
വിവരം നാട്ടുകാരെയും പൊലീസിനെയും അറിയിച്ചുവെങ്കിലും അവരെത്തുമ്പോഴേക്കും നാടോടികൾ സ്ഥലം വിട്ടിരുന്നു.
പൊലീസ് നടത്തിയ അന്വേഷണത്തിൽ കളനാട്ടെ ഒരു ആക്രിക്കടയിൽ 5200 രൂപയ്ക്ക് എസിയും മറ്റു സാധനങ്ങളും വിറ്റതായി കണ്ടെത്തി. എന്നാൽ കേസെടുക്കേണ്ടെന്ന് വീട്ടുടമ അറിയിച്ചതിനെ തുടർന്ന് നാടോടികളെ താക്കീത് ചെയ്ത് വിട്ടതായി മേൽപറമ്പ് പൊലീസ് അറിയിച്ചു.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
