സ്വർണത്തിൽ ലാഭമെടുപ്പ്, വില താഴേക്ക്, രണ്ടാഴ്ചയിലെ ഉയരത്തിൽ നിന്ന് താഴ്ന്നിറങ്ങി രാജ്യാന്തര വിലയും

സ്വർണവിലയിൽ ഇന്ന് നേരിയ കുറവ്. കേരളത്തിൽ ഗ്രാമിന് 15 രൂപ കുറഞ്ഞ് വില 11,710 രൂപയും പവന് 120 രൂപ താഴ്ന്ന് 93,680 രൂപയുമായി.

18 കാരറ്റ് സ്വർണവില ഗ്രാമിന് ചില ജ്വല്ലറികളിൽ 10 രൂപ കുറഞ്ഞ് 9,690 രൂപ. വെള്ളിവില ഗ്രാമിന് 3 രൂപ കൂടി ഉയർന്ന് 173 രൂപയിലെത്തി.

രാജ്യാന്തരവില രണ്ടാഴ്ചത്തെ ഉയരമായ ഔൺസിന് 4,169 ഡോളറിൽ നിന്ന് 4,148 ഡോളറിലേക്ക് കുറഞ്ഞ പശ്ചാത്തലത്തിലാണ് കേരളത്തിലും വില താഴ്ന്നത്.
അതേസമയം, യുഎസിന്റെ കേന്ദ്രബാങ്കായ ഫെഡറൽ റിസർവ് അടുത്തമാസം പലിശ കുറയ്ക്കുമെന്ന പ്രതീക്ഷ ശക്തമായതോടെ ഡോളറും ബോണ്ട് യീൽഡും താഴുകയാണ്. ഇതു ഫലത്തിൽ സ്വർണത്തിന് ഗുണം ചെയ്യുമെന്നും വില കൂടുമെന്നുമുള്ള നിരീക്ഷണമുണ്ട്.

നിലവിലെ നേരിയ താഴ്ചയ്ക്ക് വഴിയൊരുക്കിയത് ലാഭമെടുപ്പ് സമ്മർദമാണ്. കേരളത്തില്‍ മറ്റു ചില ജ്വല്ലറികളിൽ ഇന്ന് 18 കാരറ്റ് സ്വർണത്തിന് വില ഗ്രാമിന് 15 രൂപ കുറഞ്ഞ് 9,630 രൂപ.

വെള്ളിവില 3 രൂപ ഉയർന്ന് 170 രൂപ. 
ബിസിനസ്, ഇക്കണോമി, സ്റ്റോക്ക് മാർക്കറ്റ്, പഴ്സനൽ ഫിനാൻസ്, കമ്മോഡിറ്റി, സമ്പാദ്യം വാർത്തകൾക്ക്:
… FacebookTwitterWhatsAppTelegram