പ്രമുഖ ഇരുചക്രവാഹന നിർമ്മാതാക്കളായ റോയൽ എൻഫീൽഡ്, തങ്ങളുടെ ജനപ്രിയ അഡ്വഞ്ചർ മോട്ടോർസൈക്കിൾ ഹിമാലയന്റെ പുതിയ ‘മന ബ്ലാക്ക്’ എഡിഷൻ വിപണിയിലിറക്കി. 3.37 ലക്ഷം രൂപയാണ് പുതിയ വേരിയന്റിന്റെ എക്സ് ഷോറൂം വില.
ഗോവയിൽ നടന്ന മോട്ടോർവേഴ്സ് 2025-ലാണ് കമ്പനി വില പ്രഖ്യാപിച്ചത്. ലോകത്തിലെ ഏറ്റവും ഉയരം കൂടിയ പാതകളിലൊന്നായ മന പാസിൽ നിന്ന് പ്രചോദനം ഉൾക്കൊണ്ടാണ് പുതിയ കളർ സ്കീം അവതരിപ്പിച്ചിരിക്കുന്നത്.
ഡീപ് സ്റ്റെൽത്ത് ബ്ലാക്ക് ഫിനിഷിൽ എത്തുന്ന ഹിമാലയൻ മന ബ്ലാക്ക് കാഴ്ചയിൽ അതിമനോഹരമാണ്. എഞ്ചിൻ, യുഎസ്ഡി ഫോർക്കുകൾ, ട്യൂബ്ലെസ് വയർ-സ്പോക്ക് റിമ്മുകൾ എന്നിവയെല്ലാം കറുപ്പ് നിറത്തിലാണ്.
ബ്ലാക്ക് റാലി ഹാൻഡ് ഗാർഡുകൾ, ഹൈ-മൗണ്ട് റാലി മഡ്ഗാർഡ് എന്നിവയും ഈ മോഡലിന്റെ പ്രത്യേകതകളാണ്. റാലി ബൈക്കുകളിൽ നിന്ന് പ്രചോദനം ഉൾക്കൊണ്ട
പിൻഭാഗവും, നീളമേറിയ ഫ്ലാറ്റ് സീറ്റുമാണ് മന ബ്ലാക്ക് വേരിയന്റിനുള്ളത്. ഇത് ദുർഘടമായ പാതകളിൽ റൈഡർക്ക് മികച്ച നിയന്ത്രണം നൽകുന്നു.
അലുമിനിയം ബ്രേസുകളോടുകൂടിയ കറുത്ത നക്കിൾ ഗാർഡുകളും പുതിയ ഡിസൈനിലുള്ള ലൈസൻസ് പ്ലേറ്റ് ഹോൾഡറും ഇതിൽ ഉൾപ്പെടുത്തിയിട്ടുണ്ട്. 825 എംഎം ആണ് റാലി പതിപ്പിന്റെ സീറ്റ് ഉയരം.
195 കിലോഗ്രാം ഭാരമുള്ള ഈ മോഡലിന്, സ്റ്റാൻഡേർഡ് ഹിമാലയനേക്കാൾ ഒരു കിലോഗ്രാം ഭാരം കുറവാണ്. 452 സിസി, ലിക്വിഡ്-കൂൾഡ്, സിംഗിൾ-സിലിണ്ടർ എഞ്ചിനാണ് ഈ മോട്ടോർസൈക്കിളിന് കരുത്തേകുന്നത്.
ഇത് 40bhp പവറും 40Nm ടോർക്കും ഉത്പാദിപ്പിക്കുന്നു. ആറ് സ്പീഡ് ഗിയർബോക്സാണ് വാഹനത്തിലുള്ളത്.
ടിഎഫ്ടി ഇൻസ്ട്രുമെന്റ് ക്ലസ്റ്റർ, സ്വിച്ചബിൾ എബിഎസ്, പവർ മോഡുകൾ തുടങ്ങിയ ഫീച്ചറുകളെല്ലാം ഹിമാലയൻ ശ്രേണിയിലെ മറ്റു വേരിയന്റുകൾക്ക് സമാനമാണ്. മുൻവശത്ത് ഷോവയുടെ യുഎസ്ഡി ഫോർക്കുകളും പിന്നിൽ മോണോഷോക്ക് സസ്പെൻഷനുമാണ് മികച്ച യാത്രാസുഖം ഉറപ്പാക്കുന്നത്.
റോയൽ എൻഫീൽഡ് ഹിമാലയൻ മന ബ്ലാക്ക് എഡിഷന്റെ ബുക്കിംഗ് കമ്പനി ആരംഭിച്ചിട്ടുണ്ട്. വാഹനത്തിന്റെ വിതരണം ഉടൻ ആരംഭിക്കുമെന്നാണ് പ്രതീക്ഷിക്കുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
