ഹരിപ്പാട് ∙ മരത്തിന്റെ ശിഖരം മുറിക്കുന്നതിനിടെ മിന്നലേറ്റ് തൊഴിലാളി മരിച്ചു. മറ്റൊരു തൊഴിലാളിക്ക് ഗുരുതരമായി പരുക്കേറ്റു.
ഹരിപ്പാട് തുലാംപറമ്പ് സൗത്ത് വലിയ പറമ്പിൽ ബിനു (45) ആണ് മരിച്ചത്. പരുക്കേറ്റ വെട്ടുവേനി പടിക്കലേത്ത് വടക്കതിൽ എം.
മഹേഷ് കുമാർ (39) പരുമലയിലെ സ്വകാര്യ ആശുപത്രിയിൽ ചികിത്സയിലാണ്. കാരിച്ചാൽ പള്ളിക്കു പടിഞ്ഞാറ് മരം വെട്ടുന്നതിനിടെ ഇന്നലെ രാവിലെ 11.30ന് ആയിരുന്നു അപകടം. ബിനുവും മഹേഷ് കുമാറും അടുത്തടുത്തുള്ള മരങ്ങളുടെ മുകളിൽ കയറി ശിഖരം മുറിക്കുകയായിരുന്നു. ചെറിയ ചാറ്റൽ മഴയുണ്ടായിരുന്നു.
പെട്ടെന്നുണ്ടായ മിന്നലിൽ രണ്ടുപേരും മരത്തിൽ നിന്നു തെറിച്ചു താഴെവീണു.
ഉടൻ തന്നെ നാട്ടുകാർ ഇരുവരെയും ഹരിപ്പാട് താലൂക്ക് ആശുപത്രിയിൽ എത്തിച്ചെങ്കിലും ബിനു മരിച്ചു. തലയ്ക്ക് ഗുരുതരമായി പരുക്കേറ്റ മഹേഷ് കുമാറിനെ പിന്നീട് പരുമലയിൽ സ്വകാര്യ ആശുപത്രിയിലേക്കു മാറ്റി.
ബിനുവിന്റെ സംസ്കാരം ഇന്നു 3ന് ഡാണാപ്പടി സെന്റ് ജോർജ് ഓർത്തഡോക്സ് പള്ളിയിൽ. പരേതനായ പി.തമ്പാച്ചന്റെയും ലീലാമ്മയുടെയും മകനാണ് ബിനു.
ഭാര്യ: റീന. മക്കൾ: സ്നേഹ, അലൻ.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
