കോട്ടൂർ – വണ്ടിപ്പേട്ട റോഡ്: അപകടഭീതി ഉയർത്തിറോഡിലെ വീതി കുറവ്

കോലഞ്ചേരി ∙ കോട്ടൂർ – വണ്ടിപ്പേട്ട റോഡിലെ വീതി കുറവുള്ള ഭാഗത്ത് അപകടം പതിയിരിക്കുന്നു.

കോട്ടൂർ പള്ളിയിൽ നിന്ന് 100മീറ്റർ അകലെ വീതി കുറവുള്ള ഭാഗത്ത് കഴിഞ്ഞ ദിവസം രാത്രി ലോറി നിയന്ത്രണം വിട്ടു താഴേക്കു പതിച്ചു. ഇറക്കവും വളവുമുള്ള ഇവിടെ 8 മീറ്റർ വീതിയെങ്കിലും ഉണ്ടെങ്കിൽ മാത്രമേ ഗതാഗതം സുഗമമാകുകയുള്ളൂവെന്ന് നാട്ടുകാർ പറയുന്നു. റോഡിൽ ഈ ഭാഗത്തു വീതി കുറവായത് അപകടങ്ങൾക്കു കാരണമാകുന്നുണ്ട്. 11കോടി രൂപ മുടക്കി പുനർ നിർമാണം നടക്കുന്ന റോഡിൽ മറ്റിടങ്ങളിൽ 8 മീറ്റർ വീതിയുണ്ട്.

കോലഞ്ചേരിയിൽ നിന്ന് ചോറ്റാനിക്കര, മുളന്തുരുത്തി, പൂതൃക്ക, തിരുവാണിയൂർ ഭാഗങ്ങളിലേക്കുള്ള എളുപ്പ വഴിയാണിത്. റീ ടാറിങ് പൂർത്തിയാകുന്നതോടെ ഇതുവഴി പോകുന്ന വണ്ടികളുടെ എണ്ണം വർധിക്കുമെന്നും ഇടുങ്ങിയ ഭാഗത്ത് അപകടങ്ങൾ വർധിക്കുമെന്നും ചൂണ്ടിക്കാണിക്കപ്പെടുന്നു.

… FacebookTwitterWhatsAppTelegram