സ്വന്തം ലേഖിക
കോട്ടയം: പുതുപ്പള്ളി നിയമസഭാ നിയോജക മണ്ഡലം ഉപതെരഞ്ഞെടുപ്പിൽ വിവിധ പോളിങ് സ്‌റ്റേഷനുകളിലേക്കുള്ള പോളിങ് സാമഗ്രികൾ വിതരണം ചെയ്തു.
കോട്ടയം ബസേലിയസ് കോളജിൽ സജ്ജീകരിച്ചിരിക്കുന്ന സ്‌ട്രോങ് റൂമുകളിൽ സൂക്ഷിച്ചിരിക്കുന്ന ഇലക്‌ട്രോണിക് വോട്ടിങ് മെഷീൻ അടക്കമുള്ള പോളിങ് സാമഗ്രികൾ ജില്ലാ ഇലക്ഷൻ ഓഫീസറും ജില്ലാ കളക്ടറുമായ വി.വിഗ്നേശ്വരി, റിട്ടേണിങ് ഓഫീസർ, വിവിധ രാഷ്ട്രീയ പാർട്ടി പ്രതിനിധികൾ എന്നിവരുടെ സാന്നിധ്യത്തിലാണ് പുറത്തെടുത്ത് വിവിധ പോളിങ് സ്റ്റേഷനുകളിലേക്ക് വിതരണം ചെയ്തത്.
പോളിങ് സാമഗ്രികളുടെ വിതരണത്തിനായി അഞ്ച് കൗണ്ടറുകളാണ് ഒരുക്കിയിരുന്നത്. 182 പോളിങ് സ്റ്റേഷനുകളിലേക്കാണ് പോളിങ് സാമഗ്രികൾ വിതരണം ചെയ്തത്.
പോളിങ് ഉദ്യോഗസ്ഥരെ വിവിധ പോളിങ് സ്റ്റേഷനുകളിലേക്ക് എത്തിക്കുന്നതിനായി 54 വാഹനങ്ങളാണ് ഒരുക്കിയിരുന്നത്. 228 വീതം കൺട്രോൾ, ബാലറ്റ് യൂണിറ്റുകളും വി.വിപാറ്റുകളുമാണ് ഉപതെരെഞ്ഞെടുപ്പിനായി തയ്യാറാക്കിയിട്ടുള്ളത്.
കൂടാതെ 19 വി.വി പാറ്റുകൾ കൂടി അധികമായി കരുതിയിട്ടുണ്ട്.
The post appeared first on Third Eye News Live.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
