സേനാപതി∙ ഗർഭിണിക്ക് ഗവ.ആശുപത്രിയിൽ നിന്നു കാലാവധി കഴിഞ്ഞ അയേൺ ഗുളിക നൽകിയ സംഭവത്തിൽ ആരോഗ്യ വകുപ്പിന് ഗുരുതര വീഴ്ച. ഡ്രഗ്സ് കൺട്രോൾ വിഭാഗം ആരോഗ്യവകുപ്പ് ഡയറക്ടർക്ക് റിപ്പോർട്ടിലാണ് സംഭവത്തിൽ വീഴ്ചയുണ്ടെന്ന് രേഖപ്പെടുത്തിയിരിക്കുന്നത്. സേനാപതി സ്വദേശിയായ യുവതിക്കാണ് സേനാപതി പ്രാഥമികാരോഗ്യ കേന്ദ്രത്തിന് കീഴിൽ പ്രവർത്തിക്കുന്ന സബ് സെന്ററിൽ നിന്നു കാലാവധി കഴിഞ്ഞ അയേൺ ഗുളിക നൽകിയത്.
ഇത് സംബന്ധിച്ച് യുവതിയുടെ ഭർത്താവ് കഴിഞ്ഞ മേയ് 8ന് ഡ്രഗ്സ് കൺട്രോളർക്ക് പരാതി നൽകിയിരുന്നു. തുടർന്ന് ഡ്രഗ്സ് കൺട്രോളറുടെ നിർദേശ പ്രകാരം ഡ്രഗ്സ് ഇൻസ്പെക്ടർ സംഭവത്തിൽ അന്വേഷണം നടത്തി റിപ്പോർട്ട് സമർപ്പിച്ചു.
യുവതിക്ക് കാലാവധി കഴിഞ്ഞ അയേൺ ഗുളിക നൽകിയ സംഭവത്തിൽ ആശാ വർക്കർക്കും സേനാപതി പ്രാഥമികാരോഗ്യ കേന്ദ്രം സബ് സെന്ററിലെ ജൂനിയർ പബ്ലിക് ഹെൽത്ത് നഴ്സിനും വീഴ്ച സംഭവിച്ചതായി ഡ്രഗ്സ് ഇൻസ്പെക്ടറുടെ റിപ്പോർട്ടിലുണ്ട്.
മരുന്നുകളുടെ കാലാവധി കഴിഞ്ഞത് അറിയാതെ വിതരണം ചെയ്തതാണെന്ന് ആശാ വർക്കർ രേഖാമൂലം അറിയിച്ചിട്ടുണ്ട്. മരുന്നുകളുടെ കാലാവധി പരിശോധിച്ച് വിതരണം നടത്തുന്നതിൽ ജൂനിയർ പബ്ലിക് ഹെൽത്ത് നഴ്സിനും വീഴ്ച സംഭവിച്ചിട്ടുണ്ടെന്നും റിപ്പോർട്ടിലുണ്ട്.
ഇൗ സാഹചര്യത്തിൽ തുടർ നടപടി സ്വീകരിക്കുന്നതിന് ഡ്രഗ്സ് കൺട്രോളർ ആരോഗ്യ വകുപ്പ് ഡയറക്ടർക്ക് കത്തു നൽകി. …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
