കഞ്ഞിക്കുഴി ∙ ആലപ്പുഴ – മധുര സംസ്ഥാന പാതയുടെ ഭാഗമായ ചേലച്ചുവട് – വണ്ണപ്പുറം റോഡിൽ പഴയരിക്കണ്ടം പാലത്തിൽ വൻഗർത്തം രൂപപ്പെട്ടു. ദിവസേന ഭാരവാഹനങ്ങളും യാത്രാബസുകളും അടക്കം ഒട്ടേറെ വാഹനങ്ങൾ കടന്നു പോകുന്ന പ്രധാന പാതയിലാണ് അപകടകരമായി ഗർത്തം രൂപപ്പെട്ടത്. 50 വർഷത്തോളം പഴക്കമുള്ള പാലം അപകടാവസ്ഥയിലായിട്ടും പൊതുമരാമത്ത് വകുപ്പ് അധികൃതർ കണ്ടില്ലെന്നു നടിക്കുകയാണെന്ന് ആക്ഷേപമുണ്ട്. ഗർത്തം രൂപപ്പെട്ട
ഭാഗത്ത് അപകട മുന്നറിയിപ്പ് ബോർഡ് സ്ഥാപിക്കാൻ പോലും അധികൃതർ തയാറായിട്ടില്ല.
ഇതോടെ പ്രദേശവാസികൾ മുളങ്കമ്പിൽ നാട്ടിയ ചുവന്ന ബക്കറ്റ് മാത്രമാണ് ഇപ്പോൾ വാഹന യാത്രക്കാർക്ക് മുന്നറിയിപ്പ് നൽകുന്നത്. ഹൈറേഞ്ചിനെ ലോറേഞ്ചുമായി ബന്ധിപ്പിക്കുന്ന ഏറ്റവും ദൂരം കുറഞ്ഞ പാതയിലെ ഈ പാലം തകർന്നാൽ നാട്ടുകാർക്ക് തൊടുപുഴയിലേക്കും മൂവാറ്റുപുഴയിലേക്കും പോകാൻ ഒട്ടേറെ കിലോമീറ്റർ അധികം സഞ്ചരിച്ച് ചെറുതോണിയിൽ എത്തേണ്ടി വരും.അടിയന്തരമായി പാലത്തിൽ അറ്റകുറ്റപ്പണികൾ നടത്തി വാഹന, കാൽനട
യാത്രക്കാർക്ക് സുരക്ഷ ഒരുക്കണമെന്നാണ് നാട്ടുകാരുടെ ആവശ്യം. …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
