കോഴിക്കോട് ∙ ബത്തേരി സ്വദേശി ഹേമചന്ദ്രനെ കൊലപ്പെടുത്തി ചേരമ്പാടി വനത്തിൽ കുഴിച്ചു മൂടിയ സംഭവത്തിൽ മൃതദേഹം കൊണ്ടുപോയ വാഹനം അന്വേഷണ സംഘം കസ്റ്റഡിയിലെടുത്തു. ഇന്നലെ മലപ്പുറം കോട്ടപ്പുറത്തു നിന്നാണ് വാഹനം കണ്ടെത്തിയത്. മെഡിക്കൽ കോളജ് സ്റ്റേഷനിൽ എത്തിച്ച വാഹനത്തിന്റെ ഫൊറൻസിക് പരിശോധന നടത്തുമെന്നു പൊലീസ് പറഞ്ഞു.5 ദിവസമായി പൊലീസ് കസ്റ്റഡിയിൽ വാങ്ങിയ മുഖ്യ പ്രതി നൗഷാദിനെ വയനാട്, ചേരമ്പാടി, കൊയിലാണ്ടി, ബാലുശ്ശേരി ഭാഗങ്ങളിലെത്തിച്ചു തെളിവെടുപ്പ് പൂർത്തിയാക്കി കഴിഞ്ഞ ദിവസം റിമാൻഡ് ചെയ്തിരുന്നു.
സാഹചര്യ തെളിവുകളുടെ അടിസ്ഥാനത്തിൽ ഹേമചന്ദ്രൻ ജീവനൊടുക്കാൻ സാധ്യത ഇല്ലെന്നും പോസ്റ്റ്മോർട്ടം റിപ്പോർട്ട് ലഭിച്ചെങ്കിൽ മാത്രമേ മരണകാരണം വ്യക്തമാകൂ എന്നും പൊലീസ് പറഞ്ഞു.
ഊട്ടിയിലെ ആശുപത്രിയിൽ നിന്നു പോസ്റ്റ്മോർട്ടം റിപ്പോർട്ട് അടുത്ത ആഴ്ച ലഭിക്കും. ആവശ്യമെങ്കിൽ പ്രതികളെ വീണ്ടും കസ്റ്റഡിയിൽ വാങ്ങുമെന്ന് അന്വേഷണ ഉദ്യോഗസ്ഥനായ മെഡിക്കൽ കോളജ് ഇൻസ്പെക്ടർ കെ.കെ.ആഗേഷ് പറഞ്ഞു.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
