സ്വന്തം ലേഖകൻ
പീരുമേട്: സിനിമതാരം കോട്ടയം നസീറും കുടുംബവും അടങ്ങുന്ന ടൂറിസ്റ്റ് ബസും കാറും കൂട്ടിയിടിച്ച്‌ അപകടം. ഇന്നലെ വൈകിട്ട് ആറുമണിയോടെ കൊല്ലം-തേനി ദേശീയപാതയിലെ പെരുവന്താനം ചുഴുപ്പില്‍ വെച്ചാണ് സംഭവം.
കാറില്‍ യാത്ര ചെയ്ത നാലുപേര്‍ക്ക് പരിക്ക്പറ്റി. കോട്ടയം ഭാഗത്തുനിന്നും കുട്ടിക്കാനം ഭാഗത്തേക്കു വന്ന ബസും വാഗമണ്ണില്‍ നിന്ന് മുണ്ടക്കയം ഭാഗത്തേക്ക് പോകുകയായിരുന്ന കാറും തമ്മിൽ കൂട്ടിയിടിക്കുകയായിരുന്നു.
പത്തനംതിട്ട ഇലന്തൂര്‍ സ്വദേശി ബിനു (39)വിനെ സാരമായ പരിക്കുകളോടെ കോട്ടയം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. പരിക്കേറ്റ ഇലന്തൂര്‍ സ്വദേശികളായ പ്രശാന്ത് (34), സുധീഷ് (39), സതീഷ് (31 ) എന്നിവരെ മുണ്ടക്കയം മെഡിക്കല്‍ ട്രസ്റ്റ് ഹോസ്പിറ്റലില്‍ പ്രവേശിപ്പിച്ചു.
ബസിലുണ്ടായിരുന്ന ആര്‍ക്കും പരിക്കില്ല. ഇവര്‍ മൂന്നാറിലേക്ക് പോകുകയായിരുന്നു. ചുഴുപ്പ് ഭാഗത്ത് സ്ഥിരമായി അപകടം ഉണ്ടാകാറുണ്ട്.
The post appeared first on Third Eye News Live.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
