മരക്കൊമ്പിൽ തട്ടി ലോറിയിൽനിന്ന് കണ്ടെയ്നർ വേർപെട്ട് അപകടം

മതുക്കോത്ത് ∙ റോഡിനു സമീപത്തെ ആൽമരത്തിന്റെ മുകളിൽതട്ടി കണ്ടെയ്നർ ലോറിയിൽനിന്ന് കണ്ടെയ്നർ റോഡിൽ പതിച്ചു. കണ്ണൂർ–മട്ടന്നൂർ സംസ്ഥാന പാതയിൽ മതുക്കോത്ത് ഇന്നലെ ഉച്ചയ്ക്കാണ് സംഭവം. കണ്ണൂരിൽനിന്ന് നായാട്ടുപാറയിലെ പ്ലൈവുഡ് കമ്പനിയിലേക്ക് പ്ലൈവുഡ് ഷീറ്റ് കയറ്റി പോവുകയായിരുന്ന കണ്ടെയ്നർ ലോറിയാണ് അപകടത്തിൽപെട്ടത്. താഴെവീണ കണ്ടെയ്നർ ക്രെയിനിന്റെ സഹായത്തോടെ ഉയർത്തി ലോറിക്കു മുകളിൽ ഘടിപ്പിച്ചശേഷം ലോറി നായാട്ടുപാറയിലേക്കു പോയി. കണ്ടെയ്നർ റോഡിൽ വീണതിനെത്തുടർന്ന് ഏറെനേരം ഗതാഗതം തടസ്സപ്പെട്ടു.