‘എല്ലാവരുമായി ആശയവിനിമയം നടത്തി; അൻവർ പരസ്യമായി വിയോജിപ്പ് പ്രകടിപ്പിക്കുന്നത് എങ്ങനെ അംഗീകരിക്കും?’

കണ്ണൂർ ∙ നിലമ്പൂർ ഉപതിരഞ്ഞെടുപ്പുമായി ബന്ധപ്പെട്ട് പ്രവർത്തനങ്ങളോട് യോജിക്കാൻ പി.വി.അൻവറിന് സാധിക്കണമെന്നാണ് അഭ്യർഥനയെന്ന് പ്രസിഡന്റ് . വ്യക്തിഗതമായി വിഷയത്തെ മാറ്റരുതെന്നും അദ്ദേഹം പറഞ്ഞു.

നിലമ്പൂരിലെ സ്ഥാനാർഥി നിർണയവുമായി ബന്ധപ്പെട്ട് എല്ലാവരുമായി ആശയവിനിമയം നടത്തി ഒറ്റപ്പേരിൽ എത്തി. എഐസിസി അത് പരിശോധിച്ച് പ്രഖ്യാപിച്ചു. യുഡിഎഫിന്റെ ഭാഗമാകാൻ ആഗ്രഹിക്കുന്ന വ്യക്തിയും പാർട്ടിയും അതിനോട് പരസ്യമായി വിയോജിപ്പ് പ്രകടിപ്പിക്കുന്നത് എങ്ങനെ അംഗീകരിക്കും. ആ ചോദ്യത്തിന് അൻവർ ഉത്തരം പറയണം.

കോൺഗ്രസ്, എഐസിസിയുമായി ആലോചിച്ചാണ് തിരഞ്ഞെടുപ്പ് മുന്നൊരുക്കങ്ങളും നയപ്രവർത്തനങ്ങളുമായി മുന്നോട്ട് പോകുന്നത്. അൻവർ, സർക്കാർ നയങ്ങൾക്കെതിരെ ആക്ഷേപം ഉന്നയിച്ചുകൊണ്ടാണ് വിട്ടതും എംഎൽഎ സ്ഥാനം രാജിവച്ചതും. എൽഡിഎഫിന്റെ തെറ്റായ നയങ്ങൾക്കെതിരെ പോരാട്ടം നടത്തുന്നത് യുഡിഎഫാണെന്നും സണ്ണി ജോസഫ് പറഞ്ഞു.