സ്വന്തം ലേഖകൻ ആലപ്പുഴ: ഹോംസ്റ്റേയ്ക്ക് ലൈസൻസ് നല്കുന്നതിനായി 10000 രൂപ ആവശ്യപ്പെട്ട ജില്ലാ ടൂറിസം ഇൻഫർമേഷൻ ഓഫിസർ വിജിലൻസ് പിടിയിൽ.
ആലപ്പുഴ സ്വദേശി മുൻകൂറായി 2000 രൂപയുമായി എത്തുന്നതിനിടയിൽ വിജിലൻസ് കുടുക്കുകയായിരുന്നു. ആലപ്പുഴ ജില്ലാ ടൂറിസ്റ്റ് ഇൻഫർമേഷൻ ഓഫീസർ കെ.ജെ ഹാരിസാണ് കെെക്കൂലി വാങ്ങുന്നതിനിടെ വെള്ളിയാഴ്ച രാവിലെ വിജിലൻസ് പിടിയിലായത്.
റിസോർട്ട് ലെെസൻസുമായി ബന്ധപ്പെട്ട് ആലപ്പുഴ സ്വദേശി യു. മണിയിൽ നിന്നും കെെക്കൂലി വാങ്ങുന്നതിനിടെയാണ് ഹാരിസ് പിടിയിലായത്.
ആവശ്യപ്പെട്ട തുകയുടെ മുൻകൂറായി 2000 രൂപ നൽകുന്നതിനിടെ ഇയാളെ വിജിലൻസ് പിടികൂടുകയായിരുന്നു.
പുന്നമട വ്യൂ പോയിന്റിലുള്ള ഓഫിസിലെത്തിയാണ് പ്രതിയെ വിജിലൻ സ് കുടുക്കിയത്.
കിഴക്കൻ മേഖല വിജിലൻസ് എസ് പി വി ജി വിനോദ് കുമാറിന്റെ നേതൃത്വത്തിലുള്ള സംഘമാണ് അറസ്റ്റ് ചെയ്തത്. ആലപ്പുഴ വിജിലൻസ് ഡിവൈഎസ്പി ഗിരീഷ് പി സാരഥി, സിഐമാരായ പ്രശാന്ത് കുമാർ, രാജേഷ്, എസ് ഐമാരായ സ്റ്റാൻലി തോമസ്, സുരേഷ് കുമാർ, ബസന്ത് ,എഎസ് ഐ ജയലാൽ, എസ് സിപി ഓ മാരായ ഷിജു എസ് ഡി, സനൽ സഹദേവൻ, ശ്യാംകുമാർ, രാജേഷ് ടി പി, മനോജ് കുമാർ, ലിജു എന്നിവരാണ് സംഘത്തിലുണ്ടായിരുന്നത്.
The post ഹോംസ്റ്റേയ്ക്ക് ലൈസൻസ് നല്കുന്നതിനായി ജില്ലാ ടൂറിസം ഇൻഫർമേഷൻ ഓഫിസർ കൈക്കൂലി വാങ്ങിയ സംഭവം ; ഹാരീസ് ആവശ്യപ്പെട്ടത് പതിനായിരം രൂപ; മുൻകൂറായി 2000 രൂപ നൽകുന്നതിനിടെയാണ് അറസ്റ്റ്; ആലപ്പുഴ സ്വദേശിയുടെ പരാതിയിന്മേലാണ് നടപടി; വീഡിയോ കാണാം appeared first on Third Eye News Live. source
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
