‘വേടൻ ആധുനിക സംഗീതത്തിന്റെ പടത്തലവൻ, വേട്ടയാടാൻ അനുവദിക്കില്ല; പാട്ടുകേള്ക്കുമ്പോള് ചിലർക്ക് കണ്ണുകടി’
കണ്ണൂര്∙ റാപ്പര് വേടനെ വേട്ടയാടാന് അനുവദിക്കില്ലെന്ന് സിപിഎം സംസ്ഥാന സെക്രട്ടറി എം.വി. ഗോവിന്ദന്.
വേടന്റെ പാട്ടുകേള്ക്കുമ്പോള് ചില ഉദ്യോഗസ്ഥര്ക്ക് കണ്ണുകടിയാണെന്നും ആധുനിക സംഗീതത്തിന്റെ പടത്തലവനാണ് വേടനെന്നും എം.വി.ഗോവിന്ദന് പറഞ്ഞു. നായനാര് അക്കാദമിയില് ഇ.കെ.നായനാര് അനുസ്മരണയോഗം ഉദ്ഘാടനം ചെയ്യുകയായിരുന്നു അദ്ദേഹം.
Also Read
ജാതി അധിക്ഷേപം ഉള്പ്പെടയുള്ള സവര്ണ മേധാവിത്വത്തിന്റെ നിലപാടുകളെ ചരിത്രപരമായ അവബോധത്തോടെയാണ് വേടന് അവതരിപ്പിക്കുന്നതെന്നും ഗോവിന്ദൻ പറഞ്ഞു. വേടന്റെ പാട്ട് ലക്ഷക്കണക്കിനാളുകളെ ആകര്ഷിക്കുമ്പോള് പലര്ക്കും സഹിക്കുന്നില്ല.
ചാതുര്വര്ണ്യത്തിനനുസരിച്ച് മുന്നോട്ട് പോകണമെന്ന് പറയുന്നവരാണ് ഇന്ത്യയിലെ ഏറ്റവും വലിയ രാഷ്ട്രീയകക്ഷിയായ ബിജെപി. വേടന്റെ പാട്ട് കലാഭാസമാണെന്നും ജാതി ഭീകരതയാണെന്നുമാണ് സനാതനവക്താക്കളായ ആര്എസ്എസുകാര് പറയുന്നത്.
Also Read
‘‘റാപ് എന്നതിന്റെ അര്ഥം അടുത്താണ് മനസ്സിലാക്കിയത്. റിഥം ആൻഡ് പോയട്രി എന്നാണത്.
പദ്യം വളരെ മനോഹരമായി സമന്വയിപ്പിച്ച് താളാത്മകമായി പാടുന്നതാണ് റാപ് മ്യൂസിക്. ഇതിനെയാണ് ആര്എസ്എസ് കലാഭാസം എന്നുപറയുന്നത്.
ഇവര്ക്കെന്ത് കല? എന്ത് കലാസ്വാദനം?. ഒരു കലയെ പറ്റിയും വ്യക്തതയില്ല.
റാപ്പ് സംഗീതത്തിലൂടെ കലാപം ഉണ്ടാക്കാൻ ശ്രമിക്കുന്നുവെന്ന് ആർഎസ്എസ് പറയുന്നു. വേടൻ തന്നെ എഴുതി പാടുന്ന പാട്ടിനു കരുത്തുണ്ട്.
Also Read
6 ഗ്രാം കഞ്ചാവുമായാണ് വേടനെ പിടികൂടിയത്. അയാളുടെ സംഘത്തില് എട്ട് പേരുണ്ട്.
കഞ്ചാവ് കൈയില് വച്ചത് തെറ്റാണെന്ന് വേടന് തന്നെ പറഞ്ഞു. എനിക്ക് പറഞ്ഞുതരാന് ആരും ഉണ്ടായിരുന്നില്ലെന്നും ഇനി ആവര്ത്തിക്കില്ലെന്നും നിയമം നിയമത്തിന്റെ വഴിക്ക് പോകട്ടെയെന്നുമാണ് അദ്ദേഹം പറഞ്ഞത്.
അപ്പോഴാണ് ചില ഉദ്യോഗസ്ഥര്ക്ക് കണ്ണുകടിയുണ്ടായത്. വേടന്റെ ശരീരത്തില് ഒരു മാല കണ്ടു.
അതിന്റെ പേരിലായി കേസ്, ജാമ്യം കിട്ടാത്ത വകുപ്പ് ചുമത്തേണ്ട കാര്യമുണ്ടോ? ഒരാള് സമ്മാനമായി തന്ന മാലയാണെന്ന് പറഞ്ഞിട്ടും അവര് കേള്ക്കുന്നുണ്ടോ? ആ സമയത്ത് സിപിഎം വ്യക്തമായ നിലപാട് സ്വീകരിച്ച് വേടനൊപ്പം നിന്നു.
Also Read
ഇടുക്കിയില് സര്ക്കാർ പരിപാടിയുടെ ഭാഗമായി വേടന്റെ പരിപാടി ഉൾപ്പെടുത്തിയിരുന്നു. കേസ് വന്നതിന് പിന്നാലെ സംഘാടകര് എന്നോട് വിളിച്ചു ചോദിച്ചു, എന്താണ് ചെയ്യുക.
തെറ്റ് തിരുത്താമെന്ന് അയാള് തന്നെ പറഞ്ഞിട്ടുണ്ടെന്നും ആ പരിപാടി നടത്തണമെന്നും ഞാൻ പറഞ്ഞു. അധഃസ്ഥിത വിഭാഗത്തില് നിന്നും ഉയര്ന്നുവന്ന് കേരളം കണ്ട
ഏറ്റവും പ്രമുഖനായ റാപ്പ് മ്യൂസിക്കിന്റെ വക്താവാണ് വേടൻ’’– ഗോവിന്ദൻ പറഞ്ഞു.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
