.news-body p a {width: auto;float: none;}
പ്രവഞ്ചത്തിലെ സൂര്യന് ചുറ്റും കറങ്ങുന്ന ഗ്രഹങ്ങളിൽ ജീവൻ നിലനിൽക്കുന്നുവെന്ന് അറിയപ്പെടുന്ന ഗ്രഹമാണ് ഭൂമി. ഏകദേശം നാലര ബില്യൺ വർഷങ്ങൾക്ക് മുൻപ് ഭൂമി രൂപപ്പെട്ടതായാണ് കരുതുന്നത്. ഭൂമിയിൽ നിരവധി പരിണാമങ്ങളും സംഭവിച്ചിട്ടുണ്ട്. എത്ര തന്നെ സങ്കേതിക വിദ്യയിൽ വികസനം നടന്നെന്ന് പറഞ്ഞാലും ഇന്നും ഭൂമിയിൽ നടക്കുന്ന പല കാര്യങ്ങളിലും വ്യക്തമായ ഉത്തരം കണ്ടെത്താൻ മനുഷ്യന് കഴിഞ്ഞിട്ടില്ല.
2025ൽ എത്തിനിൽക്കുമ്പോൾ ഒന്ന് തിരിഞ്ഞുനോക്കിയാൽ ഭൂമിയ്ക്ക് സംഭവിച്ച് കൊണ്ടിരിക്കുന്ന മാറ്റങ്ങൾ നമ്മുക്ക് മനസിലാക്കാൻ കഴിയും. 2025 തുടക്കതോടെ വീണ്ടും ചർച്ചയാകാൻ തുടങ്ങിയ ഒന്നാണ് ലോകാവസാനം. അടുത്തിടെ കടലിന്റെ അടിത്തട്ടിലുള്ള മത്സ്യങ്ങൾ കരയിലേക്ക് വരാൻ തുടങ്ങിയതാണ് ഇതിനൊരു പ്രധാന കാരണമായി പറയുന്നത്. ഇത് ഭൂകമ്പ സൂചനയാണെന്നും ലോകാവസാനമായി എന്നും പലരും സോഷ്യൽ മീഡിയയിൽ കുറിക്കുന്നുണ്ട്.സോഷ്യൽ മീഡിയയിൽ ഇതിന്റെ ചർച്ചകൾ ചൂടുപിടിക്കുകയാണ്. എന്താണ് ഈ ഇതിന്റെ കാരണമെന്ന് നോക്കിയാലോ?
ഓർ മത്സ്യം
കടലിന്റെ ആഴങ്ങളിൽ കാണാപ്പെടുന്ന ഓർ മത്സ്യങ്ങൾ ദുരന്തങ്ങളെ മുൻകൂട്ടി കാണാനാകുമെന്ന് വിശ്വസിക്കപ്പെടുന്നു. ഇവ ജീവനോടെയോ അല്ലാതെയോ കരയ്ക്കടിഞ്ഞാൽ ദുരന്തം സംഭവിക്കുമെന്നാണ് ജപ്പാൻ അടക്കമുള്ള ചില ഏഷ്യൻ രാജ്യങ്ങളിലെ വിശ്വാസം.
ലോകത്ത് എല്ലുള്ള മത്സ്യങ്ങളിൽ വച്ച് ഏറ്റവും നീളമുള്ള മത്സ്യമാണ് ഓർ ഫിഷ്. ഈ മീനിനെപ്പറ്റി ജപ്പാനിൽ വിവിധ കെട്ടുകഥകളുണ്ട്. ഈ മത്സ്യം കരയിലെത്തുന്നത് ഭൂചലനങ്ങളും സൂനാമികളുടെയുമൊക്കെ സൂചനയാണെന്ന് പറയപ്പെടുന്നു. 2011ൽ ജപ്പാനിലെ ഫുകുഷിമയിൽ നാശം വിതച്ച സുനാമിക്കും ഭൂകമ്പത്തിനും മുമ്പ് ഓർ മത്സ്യങ്ങൾ തീരത്ത് അടിഞ്ഞിരുന്നു. കടലിൽ 3,300 അടി താഴ്ചയിലാണ് ഓർ മത്സ്യങ്ങൾ ജീവിക്കുന്നത്.
പാമ്പിനോടു സാദൃശ്യമുള്ള കൂറ്റൻ ഓർ മത്സ്യങ്ങൾക്ക് 20 അടിയിലേറെ നീളം വയ്ക്കാറുണ്ട്. കടലിനടിയിൽ സീസ്മിക് പ്രവർത്തനങ്ങൾ തിരിച്ചറിഞ്ഞാണ് ഇവ കടലിന് മുകളിലേക്ക് വരുന്നതെന്നാണ് ഒരു വിഭാഗത്തിന്റെ വിശ്വാസം. എന്നാൽ ഇതിന് ഇതുവരെ ശാസ്ത്രീയ വിശദീകരണങ്ങളൊന്നും ലഭ്യമല്ല. ഈ മാസം 10-ാം തീയതി ഈ ഓർ മത്സ്യം വീണ്ടും കരയിൽ അടിഞ്ഞിരുന്നു. ഇതിന്റെ വീഡിയോകളാണ് സോഷ്യൽ മീഡിയയിൽ ചർച്ചകൾക്ക് വഴിയെരുക്കിയത്.
പുറത്തുവന്ന വീഡിയോ മെക്സിക്കോയിൽ നിന്നാണ് ചിത്രീകരിച്ചതെന്നാണ് വിവരം. കടലിൽ നിന്ന് വളരെ വേഗത്തിൽ ഓർ മത്സ്യം കരയിലേക്ക് വരുന്നത് വീഡിയോയിൽ കാണാം. ഓറഞ്ച് നിറത്തിലുള്ള ചിറകുകളും അതിനുണ്ട്. കരയിലെത്തിയ ഉടൻ അത് നിശ്ചലമായി കിടക്കുന്നു. ശേഷം അവിടെ നിന്ന് ഒരാൾ അതിനെ എടുത്ത് കടലിലേക്ക് ഇടുന്നതും വീഡിയോയിൽ കാണാം.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
ആഴക്കടലിന്റെ ചെകുത്താൻ
ആഴക്കടലിൽ ഇനിയും മനുഷ്യന് കണ്ടെത്താൻ കഴിയാത്ത നിരവധി ദുരൂഹതകൾ ഉണ്ട്. അതിൽ ഒന്നാണ് ആംഗ്ലർ ഫിഷ് അഥവാ ആഴക്കടലിന്റെ ചെകുത്താൻ. നെറ്റി ഭാഗത്തുള്ള ചെറിയ പ്രകാശവും കൂർത്ത പല്ലുകളുമുള്ള ഈ മത്സ്യത്തെ കണ്ടാൽ തന്നെ പേടിയാകും. ആംഗ്ലർ ഫിഷ് അടുത്തിടെ കടലിന് മുകളിലെത്തിയ വീഡിയോ സോഷ്യൽ മീഡിയയിൽ ചർച്ചയാകുന്നുണ്ട്. എന്നാൽ മുകളിലെത്തിയതിന് പിന്നാലെ ഈ മത്സ്യം ചത്തുപോകുന്നു. സമുദ്രത്തിന്റെ 16,000 അടി വരെ താഴ്ചയിലാണ് ആംഗ്ലർ ഫിഷിന്റെ വാസം.
View this post on Instagram
ഇത് സമുദ്രത്തിന് മുകളിൽ എത്തിയത് അപകട സൂചനയെന്നാണ് സെെബർ ലോകം പറയുന്നത്. എന്താണ് സമുദ്രത്തിനടിയിൽ നടക്കുന്നതെന്നാണ് ആളുകൾ ചോദിക്കുന്നത്. എന്നാൽ ഇത്തരത്തിൽ ആംഗ്ലർ ഫിഷും ഓർ മത്സ്യവും കടലിന് മുകളിൽ എത്താറുണ്ടെന്നും ലോകാവസാനം ഒന്നുമല്ലെന്നും ചിലർ അഭിപ്രായപ്പെടുന്നു. എന്തായാലും കടലിൽ നടക്കുന്ന ഈ ദുരൂഹ കാര്യങ്ങളുടെ ചർച്ചയിൽ മുഴുകുകയാണ് സെെബർ ലോകം
