ഒന്നാം ഇന്നിങ്സ് ലീഡ് നേടിയിട്ടും രക്ഷയില്ല; രഞ്ജിയിൽ മധ്യപ്രദേശിനെതിരെ തോൽവി ഒഴിവാക്കാൻ കേരളം പൊരുതുന്നു

തിരുവനന്തപുരം ∙ രഞ്ജി ട്രോഫി ക്രിക്കറ്റിൽ മധ്യപ്രദേശിനെതിരെ ഒന്നാം ഇന്നിങ്സ് ലീഡ് നേടിയിട്ടും, മത്സരത്തിന്റെ അവസാന ദിനം തോൽവി ഒഴിവാക്കാൻ കേരളം പൊരുതുന്നു. തിരുവനന്തപുരത്തു നടക്കുന്ന മത്സരത്തിൽ 363 റൺസ് വിജയലക്ഷ്യം പിന്തുടരുന്ന കേരളം, അവസാന ദിനം ഉച്ചഭക്ഷണത്തിനു പിരിയുമ്പോൾ 44 ഓവറിൽ അഞ്ച് വിക്കറ്റ് നഷ്ടത്തിൽ 88 റൺസ് എന്ന നിലയിലാണ്. മുഹമ്മദ് അസ്ഹറുദ്ദീൻ (26), ജലജ് സക്സേന (16) എന്നിവർ ക്രീസിൽ. അഞ്ച് വിക്കറ്റ് മാത്രം കയ്യിലിരിക്കെ കേരളത്തിന് ജയിക്കാൻ 275 റൺസ് കൂടി വേണം. സ്കോർ: മധ്യപ്രദേശ് – 160 & 369/8 ഡിക്ലയേർഡ്, കേരളം – 167/9 & 88/5.

ഓപ്പണർ രോഹൻ എസ്. കുന്നുമ്മൽ (39 പന്തിൽ ഒരു ഫോർ സഹിതം എട്ട്), ഷോൺ റോജർ (11 പന്തിൽ ഒന്ന്), ക്യാപ്റ്റൻ സച്ചിൻ ബേബി (14 പന്തിൽ മൂന്ന്) എന്നിവരാണ് ഇന്ന് കേരള നിരയിൽ പുറത്തായത്. ഓപ്പണർ അക്ഷയ് ചന്ദ്രൻ (57 പന്തിൽ രണ്ടു ഫോറുകളോടെ 24) മൂന്നാം ദിനം പുറത്തായിരുന്നു. രണ്ടു വിക്കറ്റ് വീതം വീഴ്ത്തിയ കുമാർ കാർത്തികേയ സിങ്, കുൽദീപ് സെൻ എന്നിവർ ചേർന്നാണ് കേരളത്തിന്റെ മുൻനിര തകർത്തത്. ആര്യൻ പാണ്ഡെ ഒരു വിക്കറ്റ് വീഴ്ത്തി.

∙ തിരിച്ചടിച്ച് മധ്യപ്രദേശ്

നേരത്തേ ഒന്നാം ഇന്നിങ്സിൽ ഏഴു റൺസിന്റെ നേരിയ ലീഡ് വഴങ്ങിയ മധ്യപ്രദേശ്, രണ്ടാം ഇന്നിങ്സിൽ തകർപ്പൻ ബാറ്റിങ്ങിലൂടെയാണ് കേരളത്തിനു മുന്നിൽ ശക്തമായ വിജയലക്ഷ്യം ഉയർത്തിയത്. രണ്ടാം ഇന്നിങ്സിൽ മധ്യപ്രദേശ് 101 ഓവറിൽ എട്ടു വിക്കറ്റ് നഷ്ടത്തിൽ 369 റൺസെടുത്ത് ഡിക്ലയർ ചെയ്യുകയായിരുന്നു. ഒന്നാം ഇന്നിങ്സിൽ കേരളത്തിന്റെ ബോളിങ് ആക്രമണത്തിനു മുന്നിൽ തകർന്ന് 160 റൺസിന് പുറത്തായ മധ്യപ്രദേശിന്, രണ്ടാം ഇന്നിങ്സിൽ മൂന്ന് അർധസെഞ്ചറികളാണ് മികച്ച സ്കോർ സമ്മാനിച്ചത്.

142 പന്തിൽ 11 ഫോറുകളോടെ 92 റൺസെടുത്ത രജത് പാട്ടിദാറാണ് അവരുടെ ടോപ് സ്കോറർ. ക്യാപ്റ്റൻ‌ ശുഭം ശർമ (120 പന്തിൽ ഏഴു ഫോറുകളോടെ 54), വെങ്കടേഷ് അയ്യർ (70 പന്തിൽ രണ്ടു ഫോറും ആറു സിക്സും സഹിതം പുറത്താകാതെ 80) എന്നിവരും മികച്ച പ്രകടനം കാഴ്ചവച്ചു. ആവേശ് ഖാൻ 45 പന്തിൽ രണ്ടു ഫോറുകൾ സഹിതം 21 റൺസുമായി പുറത്താകാതെ നിന്നു. കേരളത്തിനായി എൻ.പി. ബേസിൽ 32 ഓവറിൽ 117 റൺസ് വഴങ്ങി നാലു വിക്കറ്റ് വീഴ്ത്തി. ജലജ് സക്സേന 22 ഓവറിൽ 95 റൺസ് വഴങ്ങി രണ്ടു വിക്കറ്റെടുത്തു. എം.ഡി. നിധീഷ്, ആദിത്യ സർവാതെ എന്നിവർക്ക് ഓരോ വിക്കറ്റ് ലഭിച്ചു.

നേരത്തേ, ഒന്നാം ഇന്നിങ്സിൽ മധ്യപ്രദേശിനെതിരെ കേരളം 7 റൺസിന്റെ നേരിയ ലീഡ് സ്വന്തമാക്കിയിരുന്നു. വിക്കറ്റ് നഷ്ടപ്പെടാതെ 54 റൺസെന്ന നിലയിൽ രണ്ടാംദിനം ബാറ്റിങ് പുനരാരംഭിച്ച കേരളം നാലിന് 62 എന്ന നിലയിൽ തകർന്നടിഞ്ഞ ശേഷമാണ് കഷ്ടിച്ച് ലീഡ് നേടിയത്. സൽമാൻ നിസാറും (36)  മുഹമ്മദ് അസ്ഹറുദീനുമാണ്(34) കേരളത്തെ നിർണായക ലീഡിലേക്കു നയിച്ചത്.

English Summary:
Kerala vs Madhya Pradesh, Ranji Trophy 2024-25, Elite Group C Match, Day 4 – Live Updates

TAGS

Ranji Trophy

Venkatesh Iyer

Kerala Cricket Association (KCA)

Sanju Samson

.news-buzz-outer {
margin-right: auto;
margin-left: auto;
max-width: 845px;
width: 100%;
}
.news-buzz-inner {
width: 100%;
position: relative;
}
#news-buzz-iframe {
width: 100%;
min-width: 100%;
width: 200px;
display: block;
border: 0;
height: 105px;
}

@media only screen and (max-width:510px) {
#news-buzz-iframe {
height: 180px;
}
}

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.

അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com

…