സ്വന്തം ലേഖകൻ തിരുവനന്തപുരം: വന്ദേഭാരത് എക്‌സ്പ്രസിന്റെ ടിക്കറ്റ് ബുക്കിങിന് മികച്ച പ്രതികരണം. ബുക്കിങ് ആരംഭിച്ച് മണിക്കൂറുകള്‍ക്കുള്ളിലാണ് അഞ്ച് ദിവസത്തെ എക്സിക്യൂട്ടീവ് ചെയര്‍ കാര്‍ ടിക്കറ്റുകൾ ബുക്കിങ് ഫുള്‍ ആയത്.
മറ്റ് ടിക്കറ്റുകള്‍ക്കും ആവശ്യക്കാരേറെയാണ്. ഈ മാസം 28നാണ് വന്ദേഭാരതിന്റെ സര്വീസ് ആരംഭിക്കുന്നത്.
25ന് പ്രധാനമന്ത്രി വന്ദേഭാരത് ഫ്‌ളാഗ് ഓഫ് ചെയ്യും. ഇന്ന് എട്ട് മണിയോടെയാണ് വന്ദേ ഭാരത് ട്രെയിന്‍ ടിക്കറ്റുകളുടെ ബുക്കിങ് ആരംഭിച്ചത്.
തിരുവനന്തപുരത്ത് നിന്നും കാസര്‍കോട്ടേക്ക് എക്സിക്യൂട്ടീവ് കോച്ചിന് 2880 രൂപയും ചെയര്‍കാറിന് 1590 രൂപയുമാണ് നിരക്ക്. തിരുവനന്തപുരത്ത് നിന്നും കോഴിക്കോട്ടോക്ക് എക്സിക്യൂട്ടീവ് കോച്ചിന് 2060 രൂപയും ചെയര്‍കാറിന് 1090 രൂപയുമാണ്.
തിരുവനന്തപുരം എറണാകുളം എക്സിക്യൂട്ടീവ് കോച്ചിന് 1420 ഉം ചെയര്‍കാറിന് 765 ഉം ആണ് നിരക്ക്. ചെയര്‍കാറില്‍ 914 സീറ്റുകളും എക്സിക്യൂട്ടീവില്‍ 86 സീറ്റുകളുമാണുള്ളത്.
തിരുവനന്തപുരം സെന്‍ട്രലില്‍നിന്നു പുറപ്പെടുന്ന വന്ദേഭാരത് എട്ട് മണിക്കൂര്‍ അഞ്ച് മിനിറ്റ്‌ കൊണ്ട്‌ കാസര്‍ഗോട്ടെത്തും. വ്യാഴാഴ്‌ച ഒഴികെയുള്ള ദിവസങ്ങളിലാണു സര്വീസ്.
ഇന്നലെ രാവിലെ ടിക്കറ്റ് ബുക്കിങ് തുടങ്ങി. ഐ.ആര്‍.ടി.സി.സി.
വെബ്‌സൈറ്റ്‌, മൊബൈല്‍ ആപ്പ്‌ എന്നിവ വഴിയും സ്‌റ്റേഷനുകളിലെ റിസര്‍വേഷന്‍ കൗണ്ടറുകള്‍ വഴിയും ബുക്ക്‌ ചെയ്യാം.
5.20ന് തിരുവനന്തപുരം സെല്‍ട്രലില്‍നിന്നു പുറപ്പെടുന്ന വന്ദേഭാരത് 6.07ന് കൊല്ലത്തെത്തും, 7.25ന് കോട്ടയം, 8.17ന് എറണാകുളം, 9.22ന് തൃശൂര്‍, 10.02ന് ഷൊര്‍ണൂര്‍, 11.03ന് കോഴിക്കോട്‌, 12.03ന് കണ്ണൂര്‍.1.25ന് കാസര്‍ഗോട്ടെത്തും.
മടക്കയാത്ര 2.30ന് ആരംഭിക്കും. ട്രയല്‍ റണ്‍ നടത്തുന്ന ഘട്ടത്തില്‍ തീരൂരില്‍ സ്റ്റോപ്പ് അനുവദിച്ചിരുന്നു.
പിന്നീട് ഇത് ഒഴിവാക്കിയാണ് ഷൊര്‍ണ്ണൂരില്‍ സ്റ്റോപ്പ് അനുവദിച്ചത്. The post വന്ദേഭാരത് എക്‌സ്പ്രസ്; ബുക്കിങ് ആരംഭിച്ച് മണിക്കൂറുകള്‍ക്കുള്ളിൽ അഞ്ച് ദിവസത്തേക്കുള്ള എക്സിക്യൂട്ടീവ് ക്ലാസ് ടിക്കറ്റ് തീര്‍ന്നു; മറ്റ് ടിക്കറ്റുകള്‍ക്കും ആവശ്യക്കാരേറെ appeared first on Third Eye News Live.
source FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
