സ്വന്തം ലേഖിക
ശ്രീഹരിക്കോട്ട: ഐ എസ് ആര്‍ ഒയുടെ പി.എസ്.എല്‍.വി സി-55 റോക്കറ്റ് വിക്ഷേപിച്ചു.
സിംഗപ്പൂര്‍ ഉപഗ്രഹങ്ങളായ ടെലിയോസ്-II, ലൂംലൈറ്റ് -IV എന്നിവയുമായാണ് പി.എസ്.എല്‍.വി സി-55 സതീഷ് ധവാന്‍ സ്‌പേസ് സെന്ററില്‍ നിന്ന് പറന്നുയര്‍ന്നത്.
ഇവ കൃത്യമായി ഭ്രമണപഥത്തില്‍ എത്തിച്ചു.
വീണ്ടും കരുത്തുതെളിയിക്കാന്‍ കഴിഞ്ഞെന്ന് ഐ എസ് ആര്‍ ഒ ചെയര്‍മാന്‍ എസ് സോമനാഥ് പ്രതികരിച്ചു. പി എസ് എല്‍ വി വാണിജ്യ വിക്ഷേപണ വാഹനമാക്കി മാറ്റുമെന്നും സോമനാഥ് വ്യക്തമാക്കി.
പി എ എഫ് എന്ന പുതിയ അസംബ്ളി കേന്ദ്രത്തില്‍ നിന്ന് വിക്ഷേപണത്തിന് തയ്യാറാക്കുന്ന ആദ്യ റോക്കറ്റ് ആണിത്. വിക്ഷേപണം കാണാന്‍ പൊതുജനങ്ങള്‍ക്കും അവസരമുണ്ടായിരുന്നു.
ബഹിരാകാശത്ത് ഒരു കുഞ്ഞു പരീക്ഷണശാല ഒരുക്കുകയാണ് ഐ.എസ്.ആര്‍.ഒയുടെ ലക്ഷ്യം. ഉപഗ്രഹവിക്ഷേപണ ശേഷം ബഹിരാകാശത്ത് ഉപേക്ഷിക്കാറുള്ള റോക്കറ്റിന്റെ നാലാം ഭാഗത്തെയാണ് (പി.എസ്- 4) എക്സ്പെരിമെന്റല്‍ പ്ളാറ്റ്ഫോമാക്കുന്നത്.
പി.എസ്.എല്‍.വി ഓര്‍ബിറ്റര്‍ എക്സ്പെരിമെന്റര്‍ മൊഡ്യൂള്‍ അഥവാ പോയം-2 എന്നു പേരിട്ടിരിക്കുന്ന സംവിധാനത്തില്‍ ബഹിരാകാശ വിക്ഷേപണവുമായി ബന്ധപ്പെട്ട പുതിയ കണ്ടെത്തലുകളുടെ പരീക്ഷണ നിരീക്ഷണങ്ങളാണ് നടത്തുക. ഇതെല്ലാം നിയന്ത്രിക്കുക ഐ.എസ്.ആര്‍.ഒയുടെ ബംഗളൂരിലെ കേന്ദ്രമായിരിക്കും. സ്പെയ്സ് സ്റ്റേഷന്‍ പോലെ പോയം-2വില്‍ ആളുകളില്ലെന്നേയുള്ളു. കുറഞ്ഞത് ഒരു വര്‍ഷത്തെ പ്രവര്‍ത്തന ശേഷിയാണ് പ്രതീക്ഷിക്കുന്നത്.
The post appeared first on Third Eye News Live.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
