സുദിനം, പടനായകന്‍, ബ്രിട്ടീഷ് മാര്‍ക്കറ്റ്, ത്രീ മെന്‍ ആര്‍മി, ബുള്ളറ്റ്, അപരന്മാര്‍ നഗരത്തില്‍ തുടങ്ങിയ ചിത്രങ്ങളിലൂടെ ശ്രദ്ധേയനായ നിസ്സാര്‍ സംവിധാനം ചെയ്യുന്ന 27-ാമത്തെ സിനിമയായ ‘ടൂ മെന്‍ ആര്‍മി’ നവംബര്‍ 22-ന് പ്രദര്‍ശനത്തിനെത്തുന്നു. എസ്.കെ. കമ്മ്യൂണിക്കേഷന്റെ ബാനറില്‍ കാസിം കണ്ടോത്ത് നിര്‍മ്മിക്കുന്ന ‘ടൂ മെന്‍ ആര്‍മി’ എന്ന ചിത്രത്തിന്റെ തിരക്കഥ സംഭാഷണം പ്രസാദ് ഭാസ്‌കരനാണ്.
ആവശ്യത്തിലധികം പണം കെട്ടിപ്പൂട്ടിവെച്ച് ഒറ്റയ്ക്ക് ജീവിക്കുന്ന ഒരാള്‍, ആ പണത്തില്‍ കണ്ണുവച്ചെത്തുന്ന മറ്റൊരാള്‍, ഈ രണ്ട് കഥാപാത്രങ്ങളുടെ മാനസിക സംഘര്‍ഷങ്ങളാണ് ‘ടൂ മെന്‍ ആര്‍മി’യില്‍ നിസാര്‍ ദൃശ്യവല്‍ക്കരിക്കുന്നത്. ഇന്ദ്രന്‍സ്, ഷാഹിന്‍ സിദ്ദിഖ് എന്നിവരാണ് ഈ രണ്ട് കേന്ദ്ര കഥാപാത്രങ്ങളെ അവതരിപ്പിക്കുന്നത്. കൈലാഷ്, സുബ്രഹ്‌മണ്യന്‍ ബോള്‍ഗാട്ടി, തിരുമല രാമചന്ദ്രന്‍, അജു.വി.എസ്, സുജന്‍ കുമാര്‍, ജയ്‌സണ്‍ മാര്‍ബേസില്‍, സതീഷ് നടേശന്‍, സ്‌നിഗ്ധ, ഡിനി ഡാനിയേല്‍, അനു ജോജി, രമ മോഹന്‍ദാസ് തുടങ്ങിയവരാണ് മറ്റഭിനേതാക്കള്‍.
തികച്ചും വ്യത്യസ്തമായ പ്രമേയത്തെ അവതരിപ്പിക്കുന്ന ഈ ചിത്രത്തിന്റെ ഛായാഗ്രഹണം കനകരാജ് നിര്‍വഹിക്കുന്നു. ആന്റണി പോള്‍ എഴുതിയ വരികള്‍ക്ക് അജയ് ജോസഫ് സംഗീതം പകരുന്നു. പ്രൊഡക്ഷന്‍ കണ്‍ട്രോളര്‍-ഷാജി പട്ടിക്കര, എക്‌സിക്യൂട്ടീവ് പ്രൊഡ്യൂസര്‍,ഷിയാസ് മണോലില്‍, എഡിറ്റിംഗ്-ടിജോ തങ്കച്ചന്‍, കലാസംവിധാനം- വത്സന്‍, മേക്കപ്പ്-റഹിം കൊടുങ്ങല്ലൂര്‍, വസ്ത്രാലങ്കാരം- സുകേഷ് താനൂര്‍, സ്റ്റില്‍സ്-അനില്‍ പേരാമ്പ്ര, അസ്സോസിയേറ്റ് ഡയറക്ടര്‍-റസല്‍ നിയാസ്,സംവിധാന സഹായികള്‍-കരുണ്‍ ഹരി, പ്രസാദ് കേയത്ത്, പ്രൊഡക്ഷന്‍ എക്‌സിക്യൂട്ടീവ്- എന്‍.കെ.ദേവരാജ്,പി ആര്‍ ഒ-എ എസ് ദിനേശ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
