ഹമാസ്: ഖലീദ് മഷാലിന് താത്കാലിക ചുമതല

.news-body p a {width: auto;float: none;}

ടെൽ അവീവ് : യഹ്യാ സിൻവാറിന്റെ മരണത്തെ തുടർന്ന് ഹമാസിന്റെ പുതിയ മേധാവി (പൊളിറ്റിക്കൽ ബ്യൂറോ ചെയർമാൻ) ആരാകുമെന്ന് പ്രഖ്യാപിച്ചിട്ടില്ല. എന്നാൽ,​ ആക്ടിംഗ് മേധാവിയായി ഖലീദ് മഷാൽ ചുമതലയേറ്റു. 1996 – 2017 കാലയളവിൽ മഷാൽ ഹമാസ് മേധാവിയായിരുന്നു.

ഹമാസിന്റെ സ്ഥാപക നേതാക്കളിൽ പ്രമുഖനായ മഷാൽ തന്നെ പുതിയ മേധാവിയായേക്കുമെന്ന് അഭ്യൂഹമുണ്ട്. ഹമാസിന്റെ വിദേശ സെല്ലിന്റെ തലവനാണ്. 1997ൽ ജോർദ്ദാനിൽ വച്ചുണ്ടായ ഇസ്രയേൽ വധശ്രമത്തെ അതിജീവിച്ച ഇയാൾ നിലവിൽ ഖത്തറിലാണ്. മറ്റ് സാദ്ധ്യതകൾ ചുവടെ:

 ഖാലിൽ ഹയ്യ – ഹമാസ് പൊളിറ്റിക്കൽ ബ്യൂറോ ഉപതലവൻ

 മൂസ അബു മർസൂക് – ഹമാസ് സ്ഥാപക നേതാവ്. ആദ്യ പൊളിറ്റിക്കൽ ബ്യൂറോ മേധാവി (1992-1996)

 മുഹമ്മദ് ഇസ്‌മയിൽ ദാർവിഷ് – ഹമാസ് ഷൂറ കൗൺസിൽ ചെയർമാൻ
 മുഹമ്മദ് സിൻവാർ – ഹമാസിന്റെ സൈനിക വിഭാഗം തലവൻ. യഹ്യാ സിൻവാറിന്റെ സഹോദരൻ

 മഹ്മൂദ് അൽ-സഹർ – ഹമാസിന്റെ സഹസ്ഥാപകൻ. പാലസ്തീനിയൻ അതോറിറ്റി മുൻ വിദേശകാര്യമന്ത്രി