കാസര്‍കോട്: കാസര്‍കോട് കേന്ദ്ര സര്‍വകലാശാല വിസി നിയമനവുമായി ബന്ധപ്പെട്ട ഫയലുകള്‍ വിളിച്ചു വരുത്തി ഹൈക്കോടതി. വിജ്ഞാപനം മുതലുള്ള രേഖകള്‍ സമര്‍പ്പിക്കാന്‍ കേന്ദ്ര ഉന്നത വിദ്യാഭ്യാസ വകുപ്പിന് കോടതി നിര്‍ദേശം നല്‍കി. 10 ദിവസത്തിനകം ഫയലുകള്‍ ഹാജരാക്കാനാണ് ഹൈക്കോടതി ഉത്തരവ്. വി സി വെങ്കടേശ്വര്‍ലുവിന്റെ നിയമനം ചോദ്യം ചെയ്തുള്ള ഹര്‍ജിയിലാണ് ചീഫ് ജസ്റ്റിസ് എസ്. മണികുമാര്‍ അധ്യക്ഷനായ ഡിവിഷന്‍ ബെഞ്ചിന്റെ നടപടി.
ഹര്‍ജി ഈ മാസം 20ന് കോടതി വീണ്ടും പരിഗണിക്കും. സംസ്ഥാനത്തെ മറ്റ് സര്‍വകലാശാലകളിലെ വിസി നിയമനവുമായി ബന്ധപ്പെട്ട് ഹര്‍ജികള്‍ വരുന്നതിന് മുമ്പ് തന്നെ കാസര്‍കോട് വിസി നിയമനം ചോദ്യം ചെയ്തുകൊണ്ടുള്ള ഹര്‍ജി ഹൈക്കോടതിയുടെ പരിഗണനയിലുണ്ടായിരുന്നു. എന്നാല്‍ കോവിഡിനെ തുടര്‍ന്ന് ഇതില്‍ തീര്‍പ്പ് കല്‍പിക്കുന്നത് മാറ്റി വയ്ക്കേണ്ടി വന്നു.
രണ്ട് വര്‍ഷങ്ങള്‍ക്ക് ശേഷമാണ് ഹര്‍ജി വീണ്ടും കോടതി പരിഗണനയ്ക്കെടുക്കുന്നത്. ചീഫ് ജസ്റ്റിസിന്റെ ഡിവിഷന്‍ ബെഞ്ചിലേക്ക് തന്നെ ഹര്‍ജി വരികയും ചെയ്തിട്ടുണ്ട്.
The post വിസി നിയമനം: വിജ്ഞാപനം മുതലുള്ള രേഖകള്‍ സമര്‍പ്പിക്കാന്‍ നിര്‍ദേശവുമായി ഹൈക്കോടതി appeared first on Navakerala News.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
