സ്വന്തം ലേഖകൻ
കാണ്‍പൂര്‍: വൈകി വീട്ടിലെത്തിയത് ചോദ്യം ചെയ്ത ഭര്‍ത്താവിന്റെ മുഖത്ത് ആസിഡൊഴിച്ച യുവതി അറസ്റ്റില്‍. കാണ്‍പൂരിലെ കൂപ്പര്‍ഗഞ്ച് മേഖലയില്‍ ശനിയാഴ്ച രാത്രിയാണ് സംഭവമുണ്ടായത്.
ദബ്ബു എന്നയാള്‍ക്കാണ് പരിക്കേറ്റത്. ഇയാളെ ആശുപത്രിയില്‍ പ്രവേശിപ്പിച്ചിരിക്കുകയാണ്. സംഭവത്തില്‍ ദബ്ബുവിന്റെ ഭാര്യ പൂനത്തിനെതിരെ കേസ് രജിസ്റ്റര്‍ ചെയ്തിട്ടുണ്ട്.
വീട്ടിലെത്താന്‍ വൈകിയതിന്റെ കാരണം ചോദിച്ചപ്പോള്‍ പൂനം ദേഷ്യപ്പെട്ടുവെന്നും തുടര്‍ന്ന് വഴക്കുണ്ടായെന്നുമാണ് ദബ്ബു പൊലീസിന് നല്‍കിയ മൊഴിയില്‍ പറയുന്നത്. വഴക്ക് രൂക്ഷമായതോടെ പൂനം ആസിഡ് എടുത്തുകൊണ്ട് വന്ന് മുഖത്തൊഴിക്കുകയായിരുന്നു എന്നും ഇയാള്‍ പറഞ്ഞു. സംഭവത്തില്‍ അന്വേഷണം പുരോഗമിക്കുകയാണെന്ന് പൊലീസ് അറിയിച്ചു.
The post വീട്ടിലെത്താന്‍ വൈകിയതിതിനെ ചോദ്യം ചെയ്തു; വാക്ക് തർക്കത്തെത്തുടർന്ന് ഭര്‍ത്താവിന്റെ മുഖത്ത് ആസിഡ് ഒഴിച്ചു; യുവതി അറസ്റ്റിൽ appeared first on Third Eye News Live.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
