മഞ്ചേരി: മകളെ തട്ടിക്കൊണ്ടുപോയെന്ന അമ്മയുടെ പരാതിയിൽ കുട്ടിയുടെ പിതാവായ പോലീസുകാരൻ റിമാൻഡിൽ. ഇന്ത്യൻ റിസർവ് ബറ്റാലിയനിലെ പോലീസുകാരൻ മങ്കട കൂട്ടിൽ ചേരിയം മുണ്ടേടത്ത് അബ്ദുൽവാഹിദിനെ(33)യാണ് മഞ്ചേരി ചീഫ് ജുഡീഷ്യൽ മജിസ്‌ട്രേറ്റ് എ.എം. അഷ്‌റഫ് ഫെബ്രുവരി രണ്ടുവരെ റിമാൻഡ് ചെയ്തത്.
കോടതി അടുത്തമാസം രണ്ടുവരെ റിമാന്‍ഡ് ചെയ്ത് മഞ്ചേരി സ്‌പെഷ്യല്‍ സബ് ജയിലിലേക്കയച്ചു. പ്രതിക്കെതിരെ ജുവനൈല്‍ ജസ്റ്റിസ് ആക്ട് പ്രകാരമാണ് കേസെടുത്തത്. ഭര്‍ത്താവുമായി പിണങ്ങി സ്വന്തം വീട്ടില്‍ താമസിക്കുന്ന യുവതി നാല് വയസ്സായ മകളെ മഞ്ചേരി കച്ചേരിപ്പടിയിലെ സ്വകാര്യ സ്‌കൂളില്‍ എല്‍ കെ ജിയില്‍ ചേര്‍ത്തിരുന്നു. കഴിഞ്ഞ 18ന് സ്‌കൂളിലെത്തിയ പിതാവ് ഭീകരാന്തരീക്ഷം സൃഷ്ടിക്കുകയും മാതാവിന്റെയോ സ്‌കൂള്‍ അധികൃതരുടെയോ സമ്മതമില്ലാതെ കുട്ടിയെ ബുള്ളറ്റില്‍ കയറ്റി ബലമായി കൊണ്ടുപോവുകയിരുന്നു.
കുട്ടിയെ പിന്നീട് മാതാവിന്റെ വീടിനടുത്തുള്ള റോഡിൽ ഉപേക്ഷിച്ചതായും പരാതിയിൽ പറയുന്നു. മാതാവിന്റെ പരാതിയിൽ മഞ്ചേരി പൊലീസ് ഇൻസ്‌പെക്ടർ റിയാസ് ചാക്കീരിയാണ് അബ്ദുൽവാഹിദിനെ അറസ്റ്റുചെയ്തത്. കുട്ടിയെ കൊണ്ടുപോകാനുപയോഗിച്ച ബൈക്കും പോലീസ് കസ്റ്റഡിയിലെടുത്തു. പ്രതിക്കെതിരേ ജുവനൈൽ ജസ്റ്റിസ് ആക്ട് പ്രകാരം കേസെടുത്തു.
The post സ്വന്തം മകളെ തട്ടിക്കൊണ്ടുപോയെന്ന് കേസ്: മലപ്പുറത്ത് പൊലീസുകാരനായ പിതാവ് അറസ്റ്റില്‍ appeared first on Navakerala News.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
