2024 ജനുവരി ഒന്നുമുതൽ മോട്ടോർസൈക്കിളുകളുടെ വില വർധിപ്പിക്കുമെന്ന് ഇറ്റാലിയൻ മോട്ടോർസൈക്കിൾ നിർമ്മാതാക്കളായ ഡ്യുക്കാറ്റി ഇന്ത്യ അറിയിച്ചു. വില വർദ്ധനവിന്‍റെ കൃത്യമായ വിവരങ്ങൾ കമ്പനി വെളിപ്പെടുത്തിയിട്ടില്ല, എന്നാൽ പ്രവർത്തനച്ചെലവിലുണ്ടായ വർധനയാണ് വർദ്ധനവിന് കാരണമായതെന്ന് കമ്പനി അറിയിച്ചു. സ്‌ക്രാംബ്ലർ 803 മുതൽ പാനിഗാലെ V4 SP2 വരെ ഇന്ത്യയിൽ അതിന്റെ പൂർണ്ണമായ ലൈനപ്പ് കമ്പനി ഇന്ത്യയിൽ വിൽക്കുന്നുണ്ട്.
ഇതിൽ തിരഞ്ഞെടുത്ത മോട്ടോർസൈക്കിളുകളിലും വേരിയന്റുകളിലും 2024 ജനുവരി 1 മുതൽ വില വർധിപ്പിക്കുമെന്ന് ഡ്യുക്കാറ്റി അറിയിച്ചു. എല്ലാ ഡീലർഷിപ്പുകളിലും തിരഞ്ഞെടുത്ത മോഡലുകളിലും വേരിയന്റുകളിലും പുതുക്കിയ വിലകൾ പ്രാബല്യത്തിൽ വരുമെന്നും ഡ്യുക്കാറ്റി പറഞ്ഞു. ഡൽഹി, മുംബൈ, പൂനെ, ബെംഗളൂരു, ചെന്നൈ, കൊച്ചി, ഹൈദരാബാദ്, ചണ്ഡീഗഡ്, അഹമ്മദാബാദ്, കൊൽക്കത്ത എന്നിവിടങ്ങളിൽ ബ്രാൻഡിന് ഔട്ട്‌ലെറ്റുകൾ ഉണ്ട്.
പ്രീമിയം മോട്ടോർസൈക്കിളിൽ ബ്രാൻഡിന്റെ ലക്ഷ്വറി പൊസിഷനിംഗ് നിലനിർത്തിക്കൊണ്ടുതന്നെ, ഉൽപ്പാദനവുമായി ബന്ധപ്പെട്ട പ്രവർത്തനപരവും മറ്റ് ചെലവുകളും വർദ്ധിച്ചതിനാൽ ഈ വില തിരുത്തൽ ഉൽപ്പന്ന ശ്രേണിയിലുടനീളം അവതരിപ്പിക്കുമെന്ന് ഡ്യുക്കാറ്റി ഇന്ത്യ മാനേജിംഗ് ഡയറക്ടർ ബിപുൽ ചന്ദ്ര പറഞ്ഞു. സ്‌റ്റൈൽ, സോഫിസ്‌റ്റിക്കേഷൻ, പെർഫോമൻസ് എന്നിവയെ പ്രതിനിധീകരിക്കുന്ന ഡുക്കാറ്റി, അത്യാധുനിക ഉൽപ്പന്നങ്ങളിലൂടെയും ലോകോത്തര ക്ലയന്റ് അനുഭവങ്ങളിലൂടെയും ഈ മൂല്യങ്ങൾ എത്തിക്കാൻ പ്രതിജ്ഞാബദ്ധമാണെന്നും കമ്പനി പറയുന്നു.
Last Updated Dec 10, 2023, 5:05 PM IST
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
