ഈ വര്‍ഷത്തെ ഓസ്‌കര്‍ പുരസ്‌കാര നിശയില്‍ ഇന്ത്യക്ക് അഭിമാനമായി മാറിയ ‘ദി എലിഫന്റ് വിസ്പറേഴ്സ്’ എന്ന ഡോക്യുമെന്ററിയുടെ അണിയറപ്രവര്‍ത്തകരുമായി കൂടിക്കാഴ്ച നടത്തി പ്രധാനമന്ത്രി നരേന്ദ്ര മോദി. പ്രധാനമന്ത്രി തന്നെയാണ് കൂടിക്കാഴ്ചയുടെ വിശേഷങ്ങള്‍ സമൂഹ മാധ്യമങ്ങളിലൂടെ പങ്കുവെച്ചത്.
സംവിധായിക കാര്‍ത്തിക്കി ഗോണ്‍സാല്‍വസിനും നിര്‍മ്മാതാവ് ഗുനീത് മോംഗയ്ക്കുമൊപ്പമുള്ള ചിത്രങ്ങളും അദ്ദേഹം ട്വിറ്ററിലൂടെ പങ്കുവെച്ചു. ‘ദി എലിഫന്റ് വിസ്പറേഴ്സിന്റെ സിനിമാറ്റിക് ബ്രില്യന്‍സ് ആഗോള ശ്രദ്ധ പിടിച്ചുപറ്റി.
ഇന്ന്, അതിന്റെ മികവുറ്റ അണിയറപ്രവര്‍ത്തകരെ കാണാന്‍ എനിക്ക് അവസരം ലഭിച്ചു. ഇവര്‍ ഇന്ത്യയ്ക്ക് അഭിമാനമായവരാണ്’, നരേന്ദ്ര മോദി ട്വീറ്റ് ചെയ്തു.
നേരത്തെ തമിഴ്‌നാട് മുഖ്യമന്ത്രി എം.കെ. സ്റ്റാലിനും ‘ദി എലിഫന്റ് വിസ്പറേഴ്സിന്റെ’ അണിയറപ്രവര്‍ത്തകരുമായും ഡോക്യൂമെന്ററിയിലെ ആനപരിപാലകരായ ബൊമ്മന്‍-ബെല്ലി ദമ്പതികളുമായും കൂടികാഴ്ച നടത്തിയിരുന്നു.
ഡോക്യുമെന്ററിയുടെ സംവിധായിക കാര്‍ത്തികി ഗോണ്‍സാല്‍വസിന് ഒരു കോടി രൂപയും ബൊമ്മനും ബെല്ലിക്കും ഒരു ലക്ഷം രൂപയും സ്റ്റാലിന്‍ സമ്മാനമായി നല്‍കുകയും ചെയ്തിരുന്നു. The post ‘ദി എലിഫന്റ് വിസ്പറേഴ്സ്’ മേക്കേഴ്സുമായി കൂടിക്കാഴ്ച നടത്തി പ്രധാനമന്ത്രി appeared first on Navakerala News.
source
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
