തിരുവനന്തപുരം: സംസ്ഥാനത്ത് ബസ് ചാര്‍ജ് മിനിമം 10 രൂപയാക്കാന്‍ തീരുമാനം. ബസ് ചാര്‍ജ് വര്‍ധനയ്ക്ക് എല്‍ഡിഎഫ് അംഗീകാരം നല്‍കിയതോടെയാണ് തീരുമാനം. 12 രൂപ മിനിമം വേണമെന്നുള്ള സ്വകാര്യ ബസ് ഉടമകളുടെ ആവശ്യം മുന്നണി തള്ളി. പെട്രോള്‍, ഡീസല്‍ വില വല്ലാതെ വര്‍ധിച്ച സാഹചര്യത്തില്‍ സ്വകാര്യ ബസ് ഉടമകളുടെ ബുദ്ധിമുട്ട് കൂടി മനസിലാക്കിയാണ് തീരുമാനമെടുത്തതെന്ന് എല്‍ഡിഎഫ് കണ്‍വീനര്‍ എ. വിജയരാഘവന്‍ വ്യക്തമാക്കി.
അതേസമയം വിദ്യാര്‍ഥികളുടെ കണ്‍സെഷന്‍ നിരക്കില്‍ മാറ്റമുണ്ടാകില്ല. ഈ വിഷയത്തില്‍ ഒരു കമ്മീഷനെ വച്ച് വിശദമായ പഠനം നടത്താനാണ് യോഗത്തില്‍ ഉരുത്തിരിഞ്ഞ തീരുമാനം. പെട്രോളിയം ഉത്പന്നങ്ങളുടെ വില വര്‍ധനവും ഇതുമൂലമുണ്ടാകുന്ന വിലക്കയറ്റവും മൂലമാണ് ഈയൊരു തീരുമാനത്തിലേക്ക് എത്തിയതെന്ന് ഇടതുമുന്നണി കണ്‍വീനര്‍ വ്യക്തമാക്കി.
നേരത്തെ നിരക്ക് വര്‍ധനവ് ആവശ്യപ്പെട്ട് സംസ്ഥാനത്ത് ബസ് ഉടമകള്‍ സമരം നടത്തിയിരുന്നു. ഇതിന് നേരത്തെ തന്നെ അനുകൂല നിലപാട് എടുക്കാമെന്ന് മുഖ്യമന്ത്രി ഉറപ്പ് നല്‍കിയിരുന്നു. ബസ് ചാര്‍ജിനോടൊപ്പം ഓട്ടോ ടാക്സി ചാര്‍ജ് വര്‍ധിപ്പിക്കുവാനും തീരുമാനിച്ചിട്ടുണ്ടെന്ന് മന്ത്രി ആന്റണി രാജു പറഞ്ഞിരുന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
