ന്യൂഡല്‍ഹി: ഇന്ത്യ പഞ്ചസാര കയറ്റുമതി നിര്‍ത്തിവയ്ക്കാനൊരുങ്ങുന്നു. രാജ്യത്ത് പഞ്ചസാരയുടെ ഉത്പാദനം കുറയുന്ന പശ്ചാത്തലത്തിലാണ് തീരുമാനം.
ധനമന്ത്രി നിര്‍മലാ സീതാരാമ, വ്യവസായ മന്ത്രി പിയൂഷ് ഗോയല്‍ എന്നിവകടങ്ങുന്ന പാനല്‍ ഏപ്രില്‍ 27 ന് ചേര്‍ന്ന യോഗത്തിലാണ് ഇത് സംബന്ധിച്ച തീരുമാനം കൈക്കൊണ്ടത്. ഇത് സംബന്ധിച്ച നോട്ടിസ് ഉടന്‍ പുറത്തിറക്കുമെന്നാണ് റിപ്പോര്‍ട്ട്.
2022-23 ലെ ഒക്ടോബര്‍-സെപ്റ്റംബര്‍ കാലത്ത് 327 ലക്ഷം ടണ്‍ പഞ്ചസാരയാണ് ഉത്പാദിപ്പിക്കാന്‍ സാധിക്കുന്നത്. കഴിഞ്ഞ വര്‍ഷം ഇത് 359 ലക്ഷം ടണ്‍ ആയിരുന്നു.
‘രാജ്യത്തിന്റെ നിലവിലെ ആവശ്യത്തിനുള്ള 275 ലക്ഷം ടണ്‍ പഞ്ചസാര ഉത്പാദിപ്പിച്ചിട്ടുണ്ട്. എന്നാല്‍ കയറ്റുമതി ചെയ്ത് രാജ്യത്ത് പഞ്ചസാര ക്ഷാമമുണ്ടാക്കാന്‍ തെരഞ്ഞെടുപ്പ് അടുത്തിരിക്കുന്ന ഈ വേളയില്‍ സര്‍ക്കാര്‍ ആഗ്രഹിക്കുന്നില്ല’- മന്ത്രാലയവുമായി അടുത്ത വൃത്തങ്ങള്‍ ഇന്ത്യന്‍ എക്സ്പ്രസിനോട് പറഞ്ഞു.
ചില്ലറ വിപണിയില്‍ ഈ വര്‍ഷം ഒരു കിലോ പഞ്ചസാരയ്ക്ക് വില 42.24 രൂപയാണ്. കഴിഞ്ഞ വര്‍ഷം ഇത് 41.31 രൂപയായിരുന്നു.
The post പഞ്ചസാര കയറ്റുമതി നിര്‍ത്തിവയ്ക്കാനൊരുങ്ങി ഇന്ത്യ appeared first on Navakerala News. source
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
