ചങ്ങനാശേരി: കോളജുകള്‍ക്ക് വിചിത്ര നിര്‍ദേശവുമായി എന്‍എസ്എസ്. എടുത്ത അവധിക്ക് പകരം ജോലി ചെയ്യണമെന്നും പ്രമോഷന് പരിഗണിക്കുമ്പോള്‍ ഈ രേഖകള്‍ ഹാജരാക്കണമെന്നുമാണ് നിര്‍ദേശം. പ്രസവാവധി ഉള്‍പ്പടെയുള്ളവയ്ക്ക് നിര്‍ദേശം ബാധകമാണ്. എന്‍എസ്എസ് കോളജുകളുടെ എജ്യൂക്കേഷനല്‍ സെക്രട്ടറി എം.ആര്‍. ഉണ്ണിയാണ് സര്‍ക്കുലര്‍ ഇറക്കിയത്. പ്രൊമോഷനുകള്‍ക്ക് അപേക്ഷിക്കുന്ന അധ്യാപകരുടെ അവധി സംബന്ധിച്ച കാര്യങ്ങള്‍ പ്രിന്‍സിപ്പല്‍ പ്രത്യേക ഷീറ്റില്‍ രേഖപ്പെടുത്തണം.
എടുത്ത അവധിക്ക് പകരം എത്ര ക്ലാസുകളെടുത്തു എന്നതുള്‍പ്പടെയുള്ള കാര്യങ്ങള്‍ ഷീറ്റിലില്ലെങ്കില്‍ സ്ഥാനക്കയറ്റം പരിഗണിക്കില്ല. പ്രസവാവധി, ഡ്യൂട്ടി ലീവ്, ക്യാഷ്വല്‍ ലീവ്, എന്നിങ്ങനെ ഭൂരിഭാഗം അവധികള്‍ക്കും ക്ലാസ്സെടുക്കണമെന്നാണ് സര്‍ക്കുലര്‍. മെഡിക്കല്‍ അവധികള്‍ ഉള്‍പ്പടെയുള്ള, അവകാശപ്പെട്ട അവധികള്‍ ഒഴിവാക്കി അധ്യാപകരെ വിലയിരുത്തി പ്രൊമോഷന്‍ നല്‍കണമെന്നാണ് ചട്ടത്തില്‍ പറയുന്നത്.
സര്‍ക്കുലര്‍ യുജിസി ചട്ടങ്ങള്‍ക്ക് വിരുദ്ധമെന്ന് കാട്ടി ജനറല്‍ സെക്രട്ടറിക്കും യുജിസിക്കും പരാതി നല്‍കാനൊരുങ്ങുകയാണ് അധ്യാപകര്‍. പ്രസവാവധി നിഷേധം ചൂണ്ടിക്കാട്ടി അധ്യാപികമാര്‍ മനുഷ്യാവകാശ കമ്മിഷനെയും വനിതാ കമ്മിഷനെയും സമീപിച്ചേക്കും.
The post പ്രസവാവധി ഉള്‍പ്പടെ എടുത്ത അവധിക്ക് പകരം ജോലി ചെയ്യണം: എന്‍എസ്എസ് appeared first on Navakerala News.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
