കൊച്ചി> ഐഎൻടിയുസി കോൺഗ്രസ് പോഷക സംഘടനയല്ലെന്ന പ്രതിപക്ഷ നേതാവിന്റെ വാദം പൊളിയുന്നു. കോൺഗ്രസ് വെബ്സൈറ്റിൽ ഐഎൻടിയുസി പോഷക സംഘടനയാണ് എന്നാണ് വ്യക്തമാക്കുന്നത്. ഇതോടെ ആരാണ് ശരിയെന്ന ചോദ്യവുമായി സോഷ്യൽ മീഡിയ രംഗത്തെത്തി.
ദേശീയ പണിമുടക്കിന് പിന്നാലെ തൊഴിലാളി സംഘടനയായ ഐഎൻടിയുസിയെ തള്ളിപ്പറഞ്ഞ് പ്രതിപക്ഷ നേതാവ് വി ഡി സതീശൻ രംഗത്തെത്തിയിരുന്നു. ഐഎൻടിയുസി കോൺഗ്രസ് പോഷക സംഘടനയല്ല. കോൺഗ്രസ് പറയുന്നത് സംഘടന കേൾക്കണമെന്ന് നിർബന്ധമില്ല എന്നുമാണ് വി ഡി സതീശൻ പറഞ്ഞത്.
എന്നാൽ കോൺഗ്രസിന്റെ വെബ് സൈറ്റിൽ അഞ്ച് പേഷക സംഘടനകളുടുണ്ടെന്നാണ് വ്യക്തമാക്കുന്നത്. യൂത്ത് കോൺഗ്രസ്, കെഎസ് യു, മഹിള കോൺഗ്രസ്, ഐഎൻടിയുസി, സേവാദൾ എന്നിങ്ങനെ അഞ്ച് പേഷക സംഘടനകളാണ് ഉള്ളതെന്നാണ് വെബ്സൈറ്റിൽ പറയുന്നത്.
ഐഎൻടിയുസി പ്രസിഡന്റ് ആർ ചന്ദ്രശേഖരന്റെ ഫോട്ടോയും ഫോൺ നമ്പറും അടക്കം വെബ് സൈറ്റിൽ പ്രസിദ്ധീകരിക്കുകയും ചെയ്തിട്ടുണ്ട്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
