സ്വന്തം ലേഖകൻ
പാലാ: ബീഗിളിന്റെ കാത്തിരിപ്പിന് അവസാനമായി. പാലാ സ്റ്റേഷനിൽ തന്റെ മുതലാളിയെ കാത്തിരിക്കാൻ തുടങ്ങിയിട്ട് നാലുനാൾ.
ഉടമ വന്നില്ലായെങ്കിൽ പോലീസിന്റെ ശ്വാനവിഭാഗത്തിലേക്ക് കൈമാറാനിരിക്കെയാണ് ബീഗിളിന്റെ ഉടമ അരുൺ സ്റ്റേഷനിലെത്തിയത്. അരുണിന്റെ വരവ് അല്പം കൂടി വൈകിയിരുന്നുവെങ്കിൽ ബീഗിൾ പൊലീസിൽ ചേർന്നേനെ.
പാലാ ടൗണിൽ അലഞ്ഞുതിരിഞ്ഞ നിലയിൽ കണ്ടെത്തിയ ബീഗിൾ ഇനത്തിൽപ്പട്ട നായക്കുട്ടിയെ രണ്ടു ചെറുപ്പക്കാരാണ് പാലാ പോലീസ് സ്റ്റേഷനിൽ എത്തിച്ചത്. പാലാ പോലീസ് ഇതുസംബന്ധിച്ച് ചിത്രം സഹിതം അറിയിപ്പ് കൊടുത്തിരുന്നു. വിപണിയിൽ നല്ല വിലയുള്ള ബീഗിൾ ബുദ്ധിയിലും സ്‌നേഹപ്രകടനങ്ങളിലും മുന്നിലാണെന്ന് പോലീസ് പറയുന്നു.
കേരള പൊലീസിന്റെ ഫെയ്‌സ്ബുക്ക് പേജിൽ ഇത് സംബന്ധിച്ച വാർത്ത കണ്ടതോടെയാണ് ഉടമ ബീഗിളിനെ തേടി എത്തിയത്.
The post appeared first on Third Eye News Live.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
