ഹോളിവുഡ്: 94 മത് ഓസ്‌കാര്‍ അവാര്‍ഡില്‍ കിംഗ് റിച്ചാര്‍ഡ് എന്ന സിനിമയിലെ അഭിനയത്തിന് മികച്ച നടനായി വില്‍ സ്മിത്തിനെ തെരഞ്ഞെടുത്തു. ദ എയ്‌സ് ഓഫ് ടമ്മി ഫായേ എന്ന ചിത്രത്തിന് ജെസീക്ക് ചസ്റ്റൈനെ മികച്ച നടിയായും തെരഞ്ഞെടുത്തു. ദ പവര്‍ ഓഫ് ദ ഡോഗ് എന്ന ചിത്രത്തിലൂടെ മികച്ച സംവിധായിക/ സംവിധായകന്‍ ആയി ജെയ്ന്‍ കാംപിയോണ്‍. മികച്ച ചിത്രമായി കോഡയും തെരഞ്ഞെടുത്തു. കോഡയ്ക്ക് ആറ് ആവാര്‍ഡുകളാണ് ലഭിച്ചത്. കോഡയിലെ അഭിനയത്തിന് മികച്ച സഹനടനുള്ള പുരസ്‌കാരം ട്രോയ് കോട്‌സറും നേടി.
ബധിര കുടുംബത്തിന്റെ ഹൃദയ സ്പര്‍ശിയായ കഥ പറയുന്ന കോഡ പ്രേക്ഷകര്‍ക്ക് മുന്നിലെത്തിയത് ആപ്പിളിന്റെ സ്ട്രീമിംഗ് പ്ലാറ്റ്‌ഫോമിലൂടെയാണ്. മികച്ച സഹനടി അരിയാനോ ഡബോസ് ആണ്. വെസ്റ്റ് സൈഡ് സ്റ്റോറിയിലെ അഭിനയത്തിനാണ് നടിയെ തേടി പുരസ്‌കാരം എത്തിയത്. ഓസ്‌കര്‍ ലഭിക്കുന്ന ആദ്യ ട്രാന്‍സ്‌ജെന്റര്‍ വ്യക്തികൂടിയാണ് അരിയാനോ.’എന്‍കാന്റോ’ ആണ് മികച്ച അനിമേഷന്‍ ചിത്രം.
ജാരെഡ് ബുഷും ബൈറോണ്‍ ഹോവാര്‍ഡും ചേര്‍ന്നാണ് സംവിധാനം.
മികച്ച അനിമേഷന്‍ ഷോര്‍ട് ഫിലിം ആയി ആല്‍ബര്‍ട്ടോ മിയേല്‍ഗോ, ലിയോ സാന്‍ഷെ എന്നിവരുടെ ‘ദി വിന്‍ഡ്ഷീല്‍ഡ് വൈപ്പര്‍’ തിരഞ്ഞെടുക്കപ്പെട്ടു. ഡോക്യുമെന്ററി ഷോര്‍ട്ടിനുള്ള ഓസ്‌കര്‍ ബെന്‍ പ്രൗഡ്ഫൂട്ടിന്റെ ‘ദി ക്വീന്‍ ഓഫ് ബാസ്‌കറ്റ്‌ബോളിന്’ ലഭിച്ചു. വിദേശ ഭാഷാ ചിത്രത്തിനുള്ള പുരസ്‌കാരം സ്വന്തമാക്കിയത് ‘ ഡ്രൈവ് മൈ കാര്‍’ ആണ്. അതേസമയം, ഓസ്‌കറില്‍ ഇന്ത്യന്‍ പ്രതീക്ഷയായിരുന്ന റൈറ്റിങ് വിത്ത് ഫയറിന് പുരസ്‌കാരമില്ല.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
