സ്വന്തം ലേഖകൻ കൊല്ലം: എംസി റോഡില്‍ കൊട്ടാരക്കര പനവേലില്‍ ജീപ്പ് നിയന്ത്രണം വിട്ടുമറിഞ്ഞ് പത്തുവയസുകാരിക്ക് ദാരുണാന്ത്യം. ഇടുക്കി ഏലപ്പാറ സ്വദേശി നിവേദ(10)യാണ് മരിച്ചത്.
പുലര്‍ച്ചെ ഒരുമണിയോടെയായിരുന്നു അപകടം. ജീപ്പില്‍ നിവേദ അടക്കം ഒമ്പതുപേരുണ്ടായിരുന്നു.
നാഗര്‍കോവിലിലെ ഒരു ബന്ധു വീട്ടില്‍ പോയശേഷം മടങ്ങി വരുമ്പോഴായിരുന്നു അപകടം. നിയന്ത്രണം വിട്ട് മറിഞ്ഞ ജീപ്പിന് അടിയില്‍ പത്തുവയസ്സുകാരി നിവേദ പെട്ടുപേയി.
നാട്ടുകാരും പൊലീസും സ്ഥലത്തെത്തി ജീപ്പുയര്‍ത്തിയാണ് കുട്ടിയെ പുറത്തെടുത്തത്. ആദ്യം കുട്ടിയെ കൊട്ടാരക്കര താലൂക്ക് ആശുപത്രിയില്‍ എത്തിച്ചു.
പരിക്ക് ഗുരുതരമായതിനാല്‍ തിരുവനന്തപുരം മെഡിക്കല്‍ കോളജ് ആശുപത്രിയിലേക്ക് മാറ്റി. എന്നാല്‍ കുട്ടിയുടെ ജീവന്‍ രക്ഷിക്കാനായില്ല.
ഡ്രൈവര്‍ ഉറങ്ങിപ്പോയതാണോ, ജീപ്പിന്റെ കേടുപാടുകളാണോ അപകടത്തിന് കാരണമെന്ന് മോട്ടോര്‍ വാഹന വകുപ്പ് അന്വേഷിച്ചു വരികയാണ്. The post കൊട്ടാരക്കര പനവേലിൽ ജീപ്പ് നിയന്ത്രണം വിട്ടുമറിഞ്ഞ് പത്തുവയസുകാരിക്ക് ദാരുണാന്ത്യം; മരിച്ചത് ഇടുക്കി ഏലപ്പാറ സ്വദേശിയായ നിവേദ; അപകടത്തിൽ പെൺകുട്ടി ജീപ്പിനടിയിൽ കുടുങ്ങി; ഡ്രൈവര്‍ ഉറങ്ങിപ്പോയതാണോ, ജീപ്പിന്റെ കേടുപാടുകളാണോ അപകടത്തിന് കാരണമെന്ന അന്വേഷണത്തിൽ പൊലീസ് appeared first on Third Eye News Live.
source
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
