കൊച്ചി: താരസംഘടനയായ അമ്മയുടെ ജനറല്‍ ബോഡി യോഗത്തിന്റെ തീയതി മുന്‍കൂട്ടി അറിയിച്ചിട്ടും അഞ്ചോളം സിനിമകളുടെ ഷൂട്ടിംഗ് ഇന്ന് നടത്തിയതില്‍ ഭാരവാഹികള്‍ക്ക് പ്രതിഷേധം. പ്രൊഡ്യൂസേഴ്‌സ് അസോസിയേഷനെ ഫോണില്‍ വിളിച്ച് അമ്മ ഭാരവാഹികള്‍ പ്രതിഷേധം അറിയിച്ചു. ഇന്ന് ഷൂട്ടിംഗ് നടത്തിയതിനാല്‍ ചില താരങ്ങള്‍ക്ക് യോഗത്തില്‍ പങ്കെടുക്കാനായിരുന്നില്ല. തുടര്‍ന്നാണ് അമ്മ പ്രതിഷേധം അറിയിച്ചത്.
അതേസമയം, നടന്‍ ശ്രീനാഥ് ഭാസിക്ക് തല്‍ക്കാലം അംഗത്വം നല്‍കേണ്ടെന്ന് ‘അമ്മ’ എക്‌സിക്യൂട്ടീവ് യോഗത്തില്‍ ധാരണ. ശ്രീനാഥിനെതിരെ നിര്‍മ്മാതാക്കളുടെ വിലക്ക് നിലനില്‍ക്കേയാണ് ‘അമ്മ’യുടെ നടപടി. നിര്‍മ്മാതാക്കളുമായുള്ള പ്രശ്‌നം പരിഹരിച്ച ശേഷം ശ്രീനാഥിന്റെ അംഗത്വ അപേക്ഷ പരിഗണിക്കും. നടന്‍ ഷെയ്ന്‍ നിഗമും നിര്‍മ്മാതാക്കളുമായുള്ള പ്രശ്‌നങ്ങള്‍ പരിഹരിക്കാന്‍ തുടര്‍ ചര്‍ച്ചകളുമായി മുന്നോട്ട് പോകാനും യോഗത്തില്‍ തീരുമാനമായി. അതേസമയം, നടി നിഖില വിമല്‍ ഉള്‍പ്പെടെ ഏഴ് പേര്‍ക്ക് ‘അമ്മ’യില്‍ പുതുതായി അംഗത്വം നല്‍കി.
The post ഷൂട്ടിംഗ് നടത്തി; നിര്‍മ്മാതാക്കളെ പ്രതിഷേധം അറിയിച്ച് അമ്മ, നടന്‍ ശ്രീനാഥ് ഭാസിക്ക് തല്‍ക്കാലം അംഗത്വമില്ല appeared first on Navakerala News.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
