ന്യൂഡല്ഹി> രാജ്യത്ത് ഇന്ധന വില തുടര്ച്ചയായ നാലാം ദിവസവും കൂട്ടി. ഒരു ലിറ്റര് ഡീസലിന് 81 പൈസയും പെട്രോളിന് 84 പൈസയുമാണ് വര്ധിപ്പിച്ചത്. ഇതോടെ കൊച്ചിയില് ഇന്ന് ഒരു ലിറ്റര് പെട്രോളിന് 107.76 രൂപയും ഡീസലിന് 94.91 രൂപയുമായി.
അഞ്ച് സംസ്ഥാനങ്ങളിലെ തെരഞ്ഞെടുപ്പിനെത്തുടര്ന്ന് കഴിഞ്ഞ നാല് മാസമായി ഇന്ധന വില വര്ധിപ്പിച്ചിരുന്നില്ല.ഫല പ്രഖ്യാപനത്തിന് പിന്നാലെ ഇന്ധന വില കുത്തനെ ഉയരുമെന്ന് റിപ്പോര്ട്ടുകളുണ്ടായിരുന്നെങ്കിലും ഒരാഴ്ച കഴിഞ്ഞതോടെയാണ് എണ്ണക്കമ്പനികള് വീണ്ടും വില വര്ധിപ്പിച്ച് തുടങ്ങിയത്. വരും ദിവസങ്ങളിലും വില കൂടാനാണ് സാധ്യത.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
