കൊച്ചി: ടാറ്റൂ കലാകാരനായ സുജീഷിന്റെ ജാമ്യാപേക്ഷ എറണാകുളം അഡീ. സെഷൻസ് കോടതി തള്ളി. ബലാത്സംഗക്കുറ്റം ചുമത്തി രജിസ്റ്റർ ചെയ്ത കേസിലാണ് ജാമ്യാപേക്ഷ തള്ളിയത്.കേരളത്തിൽ നടത്തുന്ന രണ്ട് സ്റ്റുഡിയോകളിലൂടെ സുജീഷ് സ്ത്രീകളെ ലൈംഗികമായി അധിക്ഷേപിച്ചുവെന്നാണ് കേസ്. ജാമ്യം അനുവദിച്ചാൽ പ്രാഥമികഘട്ടത്തിലുള്ള അന്വേഷണത്തെ ബാധിക്കുമെന്നു ചൂണ്ടിക്കാട്ടിയാണ് ജാമ്യാപേക്ഷ തള്ളിയത്.
ക്രിമിനൽ പശ്ചാത്തലമുള്ള ആളാണ് സുജീഷ് എന്നും അതിനാൽ തന്നെ ജാമ്യം അനുവദിച്ചാൽ സാക്ഷികളെ സ്വാധീനിക്കാൻ സാധ്യതയുണ്ടെന്നും കോടതി വ്യക്തമാക്കി. ഒരു പരാതിക്കാരി ഈ കേസിൽ വിദേശിയാണെന്നത് ഗൗരവമായി കാണുന്നുവെന്നും പ്രതിക്ക് ജാമ്യം അനുവദിക്കുന്നതിന് മതിയായ കാരണമല്ല പരാതി നൽകാനുണ്ടായ കാലതാമസമെന്നും കോടതി വ്യക്തമാക്കി.പ്രതിക്ക് ജാമ്യം അനുവദിച്ചാൽ കേസിന്റെ സുഗമമായ അന്വേഷണ പുരോഗതിക്ക് തടസ്സമാകുമെന്നും കോടതി വിലയിരുത്തി. സുജീഷ് കോടതിയിൽ താൻ നിരപരാധിയാണെന്നും കേസിൽ പ്രതിയാക്കിയതാണെന്നും വാദിച്ചു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
