ഹൈദരബാദ്: പാമ്പിനെ കഴുത്തിട്ട് സെല്‍ഫി എടുക്കുന്നതിനിടെ പാമ്പുകടിയേറ്റ് യുവാവ് മരിച്ചു. പൊട്ടിശ്രീരാമുലു നെല്ലൂര്‍ ജില്ലയിലെ കണ്ടുകൂര്‍ പട്ടണത്തിലാണ് സംഭവം നടന്നത്. ടൗണില്‍ ജ്യൂസ് കട നടത്തുന്ന 32കാരനായ മണികണ്ഠ റെഡ്ഡി എന്നയാളാണ് പാമ്പുകടിയേറ്റ് മരിച്ചത്. വഴിയില്‍ ഇരിക്കുകയായിരുന്ന പാമ്പാട്ടിയില്‍ നിന്ന് പാമ്പിനെ എടുത്ത് കഴുത്തിലിട്ട് സെല്‍ഫി എടുക്കുന്നതിനിടെ കടിയേല്‍ക്കുകയായിരുന്നു.
പാമ്പാട്ടി നിരുപദ്രവകരമായ പാമ്പാണെന്ന് പറഞ്ഞതിന് പിന്നാലെയാണ് ഇയാള്‍ പാമ്പിനെ കഴുത്തിലിട്ട് സെല്‍ഫിയെടുക്കാന്‍ തയ്യാറായത്. കഴുത്തില്‍ നിന്ന് പാമ്പിനെ എടുത്ത് മാറ്റാന്‍ ശ്രമിക്കുന്നതിനിടെയാണ് സംഭവം നടന്നത്.
പാമ്പുകടിയേറ്റയുടനെ മണികണ്ഠനെ ഓങ്ങല്ലൂരിലെ സര്‍ക്കാര്‍ ജനറല്‍ ആശുപത്രിയിലേക്ക് മാറ്റിയെങ്കിലും ബുധനാഴ്ച പുലര്‍ച്ചെയോടെ മരണം സംഭവിക്കുകയായിരുന്നു. സംഭവത്തില്‍ പൊലീസ് കേസ് രജിസ്റ്റര്‍ ചെയ്തു.
The post ഇത്തിരി കടന്നുപോയി!; കഴുത്തില്‍ പാമ്പിനെ ചുറ്റി സെല്‍ഫി; 32കാരന്‍ മരിച്ചു. appeared first on Malayoravarthakal.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
