മുംബൈ: പ്രഥമ വനിതാ പ്രീമിയര്‍ ലീഗ് ഈ വര്‍ഷം മാര്‍ച്ച് നാലിന് ആരംഭിക്കുമെന്ന് റിപ്പോര്‍ട്ട്. ഫൈനല്‍ മാര്‍ച്ച് 24ന് നടക്കും. ഏപ്രിലില്‍ ഐപിഎല്‍ ആരംഭിക്കുന്നതിന് മുന്‍പ് മത്സരങ്ങള്‍ അവസാനിപ്പിക്കാനാണ് ബിസിസിഐയുടെ ശ്രമം. വനിതാ ഐപിഎല്‍ നടക്കുന്ന വേദികളിലെല്ലാം ഐപിഎല്‍ മത്സരങ്ങളും ഉണ്ട്. ഫെബ്രുവരിയില്‍ ട്വന്റി20 ലോകകപ്പ് നടക്കാനിരിക്കുകയാണ്. ഫെബ്രുവരി 10 മുതല്‍ 26 വരെയാണ് ട്വന്റി20 ലോകകപ്പ്. ഇത് അവസാനിച്ചുകഴിഞ്ഞാവും വനിതാ പ്രീമിയര്‍ ലീഗ്.
വനിതാ ഐപിഎലിന്റെ പ്രഥമ സീസണുള്ള ടീമുകളെ ഇന്നലെ പ്രഖ്യാപിച്ചിരുന്നു. ആകെ അഞ്ച് ടീമുകളില്‍ മൂന്നെണ്ണം നിലവിലെ ഐപിഎല്‍ ഫ്രാഞ്ചൈസികള്‍ സ്വന്തമാക്കി. റോയല്‍ ചലഞ്ചേഴ്‌സ് ബാംഗ്ലൂര്‍ ഉടമകളായ റോയല്‍ ചലഞ്ചേഴ്‌സ് സ്‌പോര്‍ട്‌സ് പ്രൈവറ്റ് ലിമിറ്റഡ്, ഡല്‍ഹി ക്യാപിറ്റല്‍സ് ഉടമകളായ ജെഎസ്ഡബ്ല്യു ജിഎംആര്‍ ക്രിക്കറ്റ് പ്രൈവറ്റ് ലിമിറ്റഡ്, മുംബൈ ഇന്ത്യന്‍സ് ഉടമകളായ റിലയന്‍സ് ഗ്രൂപ്പിന്റെ ഉടമസ്ഥതയിലുള്ള ഇന്ത്യവിന്‍ സ്‌പോര്‍ട്‌സ് എന്നീ കമ്പനികളാണ് വനിതാ ടീം സ്വന്തമാക്കിയ ഐപിഎല്‍ ഫ്രാഞ്ചൈസികള്‍. അദാനി സ്‌പോര്‍ട്‌സ്ലൈന്‍, കാപ്രി ഗ്ലോബല്‍ ഹോള്‍ഡിംഗ്‌സ് എന്നിവരാണ് മറ്റ് രണ്ട് ടീമുകളെ സ്വന്തമാക്കിയത്.
The post വനിതാ പ്രീമിയര്‍ ലീഗ് മാര്‍ച്ച് നാലിന് ആരംഭിക്കും appeared first on Navakerala News.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
