സ്വന്തം ലേഖിക
തിരുവനന്തപുരം: ലീനാമണി കൊലക്കേസില്‍ ഒളിവിലായിരുന്ന പ്രധാന പ്രതികളെ പൊലീസ് പിടികൂടി.
ഒന്നാം പ്രതി അയിരൂര്‍ കളത്തറ ഷഹാന മൻസിലില്‍ ഷാജി (46), രണ്ടാം പ്രതി അയിരൂര്‍ എസ്.എൻ വില്ലയില്‍ അബ്ദുല്‍ അഹദ് (41) എന്നിവരെ അയിരൂര്‍ പൊലീസ് അറസ്റ്റ് ചെയ്തത്.
വിവിധ സ്ക്വോഡുകള്‍ രൂപീകരിച്ചു നടത്തിയ അന്വേഷണത്തിലാണ് ഇവര്‍ പിടിയിലാകുന്നത്. മൂന്നാം പ്രതി മുഹ്‌സിൻ ഒളിവിലാണ്. ഇയാള്‍ക്കായി അന്വേഷണം ഊര്‍ജിതമാക്കിയിട്ടുണ്ട്.
കേസിലെ നാലാം പ്രതിയും അഹദിന്റെ ഭാര്യയുമായ ഇടവ സ്വദേശിനി റഹീന നേരത്തെ റിമാൻഡ് ചെയ്തിരുന്നു. ഭര്‍തൃസഹോദരങ്ങളുടെ അടിയേറ്റ് ജൂലായ് 16 ന് രാവിലെയാണ് 54കാരിയായ ലീനാമണി കൊല്ലപ്പെട്ടത്.
ലീനാമണിയെ വീട്ടില്‍ നിന്ന് ഇറക്കി വിടുന്നതിനും സ്വത്തുക്കള്‍ കൈക്കലാക്കാനും പ്രതികള്‍ നിരന്തരം ശ്രമിച്ചിരുന്നു. ഇത് സംബന്ധിച്ച്‌ കോടതിയിലും അയിരൂര്‍ പൊലീസിലും ലീനാമണി നിരവധി പരാതികളും നല്‍കിയിരുന്നു.
The post സ്വത്ത് തര്‍ക്കത്തെ തുടർന്ന് ഭര്‍തൃസഹോദരങ്ങളുടെ അടിയേറ്റ് യുവതി കൊല്ലപ്പെട്ട സംഭവം; പ്രധാന പ്രതികള്‍ പിടിയില്‍; മൂന്നാം പ്രതിക്കായി അന്വേഷണം ഊര്‍ജിതമാക്കി appeared first on Third Eye News Live.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
