ലഖ്നോ: പ്രണയത്തെ എതിര്‍ത്തതിന് കാമുകിയുടെ പിതാവിന്റെ ഫോണ്‍ മോഷ്ടിച്ച് യു.പി മുഖ്യമന്ത്രി യോഗി ആദിത്യനാഥിന് വധഭീഷണി മുഴക്കിയ യുവാവ് അറസ്റ്റില്‍. ഇന്ന് രാവിലെയാണ് 112-ലേക്ക് യുവാവിന്റെ സന്ദേശമെത്തിയത്. തുടര്‍ന്ന് നടത്തിയ അന്വേഷണത്തിലാണ് പ്രണയം എതിര്‍ത്തതിലുള്ള വിദ്വേഷമാണ് ഭീഷണിക്ക് പിന്നിലെന്ന് കണ്ടെത്തിയത്. കോള്‍ വന്ന ഫോണ്‍ നമ്പര്‍ കേന്ദ്രീകരിച്ച് നടത്തിയ അന്വേഷണത്തില്‍ ഫോണിന്റെ ഉടമയെ കണ്ടെത്തിയെങ്കിലും രണ്ട് ദിവസം മുമ്പ് തന്റെ ഫോണ്‍ മോഷണം പോയെന്നാണ് ഇയാള്‍ പോലീസിനോട് പറഞ്ഞത്.
തുടര്‍ന്ന് അയല്‍വാസികളാണ് കാമുകിയുടെ പിതാവിനെ കള്ളക്കേസില്‍ കുടുക്കാന്‍ അമീന്‍ പദ്ധതിയിട്ടിരുന്നതായി പോലീസിനോട് പറഞ്ഞത്. പ്രണയം എതിര്‍ത്തതിന്റെ വിദ്വേഷത്തിലാണ് കാമുകിയുടെ പിതാവായ സജ്ജാദ് ഹുസൈന്റെ ഫോണ്‍ മോഷ്ടിച്ച് ഭീഷണി സന്ദേശമയച്ചതെന്ന് അമീന്‍ പോലീസിനോട് പറഞ്ഞു. ഫോണ്‍ മോഷ്ടിച്ചതിനും ഭീഷണി സന്ദേശമയച്ചതിനും ഇയാള്‍ക്കെതിരെ കേസ് രജിസ്റ്റര്‍ ചെയ്തിട്ടുണ്ട്. ബുധനാഴ്ച കോടതിയില്‍ ഹാജരാക്കും.
The post appeared first on .
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
