തിരുവനന്തപുരം> ഏപ്രിൽ 30 നകം സെക്രട്ടറിയേറ്റിലെ പെൻഡിങ് ഫയലുകൾ തീർപ്പാക്കാൻ മന്ത്രി വി ശിവൻകുട്ടി നിർദേശം നൽകി. സെക്രട്ടറിയേറ്റിലെ പൊതുവിദ്യാഭ്യാസ വകുപ്പിലെ ഉദോഗസ്ഥരുടെ യോഗത്തിലാണ് മന്ത്രി വി ശിവൻകുട്ടി നിർദ്ദേശം നൽകിയത്. ജീവനക്കാർ ഓഫീസ് ഡ്യൂട്ടിയിൽ കൃത്യനിഷ്ഠ പാലിക്കണമെന്ന് മന്ത്രി ആവശ്യപ്പെട്ടു.
ഫയലുകൾ സമയബന്ധിതമായി സമർപ്പിക്കുന്നതിൽ എല്ലാ ഉദ്യോഗസ്ഥരും സെക്രട്ടറിയേറ്റ് ഓഫീസ് മാനുവലിൽ പറയുന്ന പ്രകാരം ഫൈവ് ഡെ റൂൾ പാലിക്കുന്നുണ്ടെന്ന് ഉറപ്പുവരുത്തണം. കോടതി കേസുമായി ബന്ധപ്പെട്ട വിഷയങ്ങൾ അഡ്വക്കേറ്റ് ജനറലുമായി ചർച്ച ചെയ്യുന്നതിന് ഒരു യോഗം എറണാകുളത്ത് വിളിച്ചിട്ടുണ്ട്.
എയ്ഡഡ് സ്കൂളുകളിലെ നിയമനം നിയമാനുസൃതം കാലതാമസം കൂടാതെ അംഗീകാരം നൽകാൻ നടപടിയെടുക്കണം. പെന്റിംഗിലുള്ള ഫയലുകൾ തീർപ്പാക്കുന്നതിനു പ്രിൻസിപ്പൽ സെക്രട്ടറി തലത്തിൽ ഒരു ഫയൽ അദാലത്ത് പൊതുവിദ്യാഭ്യാസ ഡറക്ടറേറ്റിലെ ഉദ്യോഗസ്ഥരുമായി ചേർന്ന് നടത്താൻ മന്ത്രി നിർദേശം നൽകി .അദാലത്തിനുശേഷമുള്ള പെന്റിംഗ് ഫയലുകളുടെ വിവരവും അത് തീർപ്പാക്കുന്നതിനുള്ള പ്രതിമാസ പുരോഗതിയും അറിയിക്കണം.
എയിഡഡ് സ്കൂളിലെ നിയമനങ്ങളുമായി ബന്ധപ്പെട്ട് ‘സമന്വയ’ സോഫ്റ്റ്വെയറിന്റെ വിപുലീകരണവും കാലതാമസം കൂടാതെ നടപ്പിലാക്കേണ്ടതുണ്ട്. ഇതിനു പുറമെ വിദ്യാഭ്യാസ ഏകീകരണവുമായി ബന്ധപ്പെട്ട് ഉദ്യോഗസ്ഥ പുനർവിന്യാസം,സ്പെഷ്യൽ റൂളുകൾ തയ്യാറാക്കൽ, കെ.ഇ.ആർ. ഭേദഗതി എന്നീ ജോലികൾ നിർവഹിക്കുന്നതിനും രൂപീകൃതമായ പ്രത്യേക സെല്ലിൽ ജീവനക്കാരെ പോസ്റ്റ് ചെയ്യേണ്ട നടപടിയും ഉടനടി സ്വീകരിക്കണമെന്നും മന്ത്രി നിർദേശിച്ചു. സെക്രട്ടറിയേറ്റിലെ എ മുതൽ യു വരെയുള്ള സെക്ഷനുകളിലെയും എസ് സി, പി എസ് വിഭാഗങ്ങളിലെയും ഉദ്യോഗസ്ഥർ യോഗത്തിൽ പങ്കെടുത്തു.
source
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
