സ്വന്തം ലേഖിക
കോട്ടയം: കൊയ്ത ശേഷം പാടത്ത് സൂക്ഷിച്ച നെല്ലില്‍ കക്കൂസ് മാലിന്യം തള്ളി.
കോട്ടയം നീണ്ടൂര്‍ വെള്ളിക്കണ്ണി പാടശേഖരത്തിലാണ് സാമൂഹ്യ വിരുദ്ധരുടെ അതിക്രമം നടത്തിയത്.
നെല്ല് ചാക്കില്‍ നിറയ്ക്കുന്നതിനിടെയാണ് മാലിന്യം കണ്ടെത്തിയത്.
രണ്ട് ഏക്കറില്‍ നിന്നും വിളവെടുത്ത നെല്ലിലാണ് കക്കൂസ് മാലിന്യം തള്ളിയത്. ഈ പ്രദേശത്ത് ഇതിനു മുന്‍പും പലതവണ കക്കൂസ് മാലിന്യം നിക്ഷേപിച്ചിട്ടുണ്ട്.
ഇന്നലെ വൈകുന്നേരം നെല്ല് ചാക്കിട്ട് മൂടി. ഇന്ന് രാവിലെ കര്‍ഷകര്‍ എത്തിയപ്പോഴാണ് നെല്ല് കൂട്ടിയിട്ടിരുന്ന സ്ഥലത്ത് കക്കൂസ് മാലിന്യം തള്ളിയിരിക്കുന്നത് കണ്ടത്.
പ്രദേശത്ത് മുന്‍പും സമാനമായ രീതിയില്‍ വഴിയരികില്‍ മാലിന്യം തള്ളുന്ന പ്രവണത ഉണ്ടായിട്ടുണ്ടെന്നാണ് കര്‍ഷകരെല്ലാം വ്യക്തമാക്കുന്നത്. പക്ഷേ ഇത് ആദ്യമായിട്ടാണ് നെല്ല് നശിപ്പിക്കുന്ന രീതിയില്‍ ഒരു മാലിന്യം തള്ളുന്നതെന്നും കര്‍ഷകര്‍ വ്യക്തമാക്കുന്നു.
ഈ വിഷയത്തില്‍ ശക്തമായിട്ടുള്ള നടപടി വേണമെന്ന് ആവശ്യപ്പെട്ട് കര്‍ഷക സംഘടനകള്‍ രംഗത്ത് എത്തിയിട്ടുണ്ട്. സംഭവത്തില്‍ പോലീസ് അന്വേഷണം തുടങ്ങിയിട്ടുണ്ട്.
ഇത് സാമൂഹിക വിരുദ്ധരുടെ നടപടിയാണോ അതോ ഇത്തരത്തില്‍ കക്കൂസ് മാലിന്യം മറ്റ് വീടുകളില്‍ നിന്നും ഫ്‌ലാറ്റുകളില്‍ നിന്നുമൊക്കെ എടുത്ത് ടാങ്കറില്‍ കൊണ്ടുവന്ന് ഉപേക്ഷിച്ചതാണോ എന്നുള്ള അടക്കം പോലീസ് അന്വേഷിക്കും. പ്രതികളെ ഉടന്‍ പിടികൂടും എന്നാണ് പോലീസ് വ്യക്തമാക്കുന്നത്.
The post എന്തിനീ ക്രൂരത…..? കോട്ടയം നീണ്ടൂര്‍ വെള്ളിക്കണ്ണി പാടശേഖരത്തിൽ കൊയ്ത് സൂക്ഷിച്ച നെല്ലില്‍ കക്കൂസ് മാലിന്യം തള്ളി; സാമൂഹ്യ വിരുദ്ധരുടെ അതിക്രമം രണ്ട് ഏക്കറില്‍ നിന്നും വിളവെടുത്ത നെല്ലിൽ appeared first on Third Eye News Live.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
