ന്യൂഡല്‍ഹി: ഡല്‍ഹി-ഹൈദരാബാദ് സ്‌പൈസ്‌ജെറ്റ് വിമാനത്തില്‍ വനിതാ ജീവനക്കാരിയോട് അപമര്യാദയായി പെരുമാറിയ യാത്രക്കാരന്‍ അറസ്റ്റില്‍. സ്‌പൈസ്‌ജെറ്റ് സെക്യൂരിറ്റി ഓഫീസറുടെ പരാതിയില്‍ ഡല്‍ഹി ജാമിയ നഗര്‍ സ്വദേശിയായ അബ്‌സര്‍ ആലം എന്നയാളാണ് അറസ്റ്റിലായത്.
സ്പൈസ് ജെറ്റ് വിമാനത്തിലുണ്ടായിരുന്ന രണ്ട് യാത്രക്കാരെ മോശം പെരുമാറ്റത്തെ തുടര്‍ന്ന് ക്രൂ അംഗങ്ങള്‍ ഇറക്കിവിടുന്ന വീഡിയോ വൈറലായിരിക്കുകയാണ്. കാബിന്‍ ക്രൂവിനോട് യാത്രക്കാര്‍ ആക്രോശിക്കുന്നത് വീഡിയോയില്‍ കാണാം. യാത്രക്കാരിലൊരാള്‍ ജീവനക്കാരിയുടെ ദേഹത്ത് സ്പര്‍ശിച്ചതായും ആരോപണമുണ്ട്.
രണ്ടു യാത്രക്കാരെയും ഇറക്കിയ ശേഷം സുരക്ഷാ ഉദ്യോഗസ്ഥര്‍ക്ക് കൈമാറി. സ്പൈസ് ജെറ്റിന്റെ സുരക്ഷാ ജീവനക്കാരും പിസിആര്‍ ജീവനക്കാരും ചേര്‍ന്ന് ആലമിനെ പോലീസ് സ്റ്റേഷനില്‍ എത്തിച്ചു. യാത്രക്കാരനെതിരെ സെക്ഷന്‍ 354 എ പ്രകാരം കേസെടുത്തതായി ഡല്‍ഹി പോലീസ് പറഞ്ഞു.
The post സ്പൈസ് ജെറ്റ് വനിതാ ജീവനക്കാരിയോട് മോശം പെരുമാറിയ യാത്രക്കാരന്‍ അറസ്റ്റില്‍ appeared first on Navakerala News.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
