കൊല്ലം : കൊല്ലത്ത് വിദ്യാർത്ഥിനികളെ നടുറോഡിൽ വെച്ച് അപമാനിച്ച രണ്ട് യുവാക്കൾ പിടിയിൽ. കൊല്ലം പുത്തൻതുരുത്ത് സ്വദേശി നീണ്ടകര നീലേശ്വരം തോപ്പിൽ ചേരിയിൽ ആൻസി ഭവനിൽ ജോഷി(29), നീണ്ടകര മേരിലാന്റ് കോളനിയിൽ സോജാ ഭവനിൽ എബി (25) എന്നിവരാണ് പിടിയിലായത്. കോളേജ് വിട്ട് വീട്ടിലേക്ക് പോകുന്ന വിദ്യാർത്ഥിനികളെയാണ് ഇവർ ആക്രമിച്ചത്.
കെഎസ്എം ദേവസ്വം ബോർഡ് കോളേജിലെ വിദ്യാർത്ഥിനികളെ കഴിഞ്ഞ ദിവസം വൈകീട്ട് മൂന്ന് മണിയോടെയാണ് ആക്രമിച്ചത്. കോളേജ് റോഡിലൂടെ നടന്നു വരികയായിരുന്ന പെൺകുട്ടികളുടെ അടുത്ത് കൂടി പ്രതികൾ അമിത വേഗതയിൽ ബൈക്കോടിക്കുകയും മോശമായി പെരുമാറുകയും ചെയ്യുകയായിരുന്നു. വിദ്യാർത്ഥിനികളിൽ ചിലർ ഇതിനെ ചോദ്യം ചെയ്തതോടെ യുവാക്കൾ മടങ്ങി.
വീണ്ടും തിരിച്ചെത്തിയ യുവാക്കൾ ട്രഷറിക്ക് സമീപത്ത് വെച്ച് വിദ്യാർത്ഥിനികളുടെ മുഖത്തടിക്കുകയും മൊബൈൽ ഫോൺ പിടിച്ച് വാങ്ങുകയും ചെയ്തു.
സംഭവത്തിന് പിന്നാലെ പ്രദേശവാസികൾ പോലീസിൽ അറിയിക്കുകയായിരുന്നു. തുടർന്നാണ് പോലീസ് ഇവരെ കസ്റ്റഡിയിൽ എടുത്തത്. പ്രതികളെ റിമാൻഡ് ചെയ്തു.
The post വിദ്യാർത്ഥിനികളെ നടുറോഡിൽ വെച്ച് അപമാനിച്ച രണ്ട് യുവാക്കൾ പിടിയിൽ appeared first on .
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
