സ്വന്തം ലേഖിക
തിരുവനന്തപുരം: സമഗ്ര ശിക്ഷാ കേരളം സ്പെഷ്യലിസ്റ്റ് ടീച്ചര്‍മാരുടെ 37 ദിവസം നീണ്ടുനിന്ന സമരം ഒത്തുതീര്‍പ്പായി.
വിദ്യാഭ്യാസ മന്ത്രി നടത്തിയ ചര്‍ച്ചയില്‍ ആണ് ഒത്തുതീര്‍പ്പായത്. ചര്‍ച്ചയില്‍ ശമ്പളം കൂട്ടാന്‍ ധാരണ ആയി.
അധ്യാപകരുടെ ശമ്പളം 15,000 രൂപയാക്കി ഉയര്‍ത്തി. മൂന്നുമാസത്തെ കുടിശ്ശിക 10,200 രൂപ നിശ്ചയിച്ചു. ഇത് ഇവര്‍ക്ക് നല്‍കും.
ജോലി ചെയ്യേണ്ട ദിവസങ്ങള്‍ ആഴ്ചയില്‍ മൂന്ന് ദിവസം ആക്കി. ഒരു സ്കൂളില്‍ മാത്രം പോയാല്‍ മതി. സംസ്ഥാന സര്‍ക്കാര്‍ പി എഫ് വിഹിതം 1800 രൂപ നല്‍കും.
ചര്‍ച്ചയില്‍ പൂര്‍ണ്ണ തൃപ്തരല്ലെന്നും സര്‍ക്കാരിന്റെ ചില സാഹചര്യങ്ങളും പരിഗണിക്കേണ്ടി വന്നെന്നും സമരം ചെയ്യുന്ന അധ്യാപകര്‍ പറഞ്ഞു. അധ്യാപകരോടെല്ലാം എത്താന്‍ ആവശ്യപ്പെട്ടിട്ടുണ്ടെന്നും വലിയ ആഹ്ളാദ പ്രകടനത്തോടെയാകും നാളെ സമരം അവസാനിപ്പിക്കുകയെന്നും അധ്യാപകര്‍ പറഞ്ഞു.
The post ചർച്ച വിജയകരം; സമഗ്ര ശിക്ഷാ കേരളം സ്പെഷ്യലിസ്റ്റ് ടീച്ചര്‍മാരുടെ സമരം ഒത്തുതീര്‍പ്പായി; ശമ്പളം 15000 ആയി ഉയര്‍ത്താന്‍ ധാരണ appeared first on Third Eye News Live.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
