ആലപ്പുഴ: ആലപ്പുഴ റെയില്‍വെ സ്റ്റേഷനില്‍ കോച്ചുകളുടെ ഷണ്ടിങ്ങില്‍ പിഴവ് കാരണം ട്രെയിനുകള്‍ മണിക്കൂറുകളോളം പിടിച്ചിട്ടു.
മൂന്നു ട്രാക്കുകളിലും കോച്ചുകള്‍ കൊണ്ടിടുകയായിരുന്നു. ഇതേത്തുടര്‍ന്ന് മറ്റു ട്രെയിനുകള്‍ക്ക് ട്രാക്കില്‍ പ്രവേശിക്കാന്‍ സാധിച്ചില്ല. തുടര്‍ന്ന് ആലപ്പുഴ റൂട്ടില്‍ ട്രെയിന്‍ ഗതാഗതം തടസ്സപ്പെട്ടു.
ഷണ്ടിങ് നടത്തുന്ന സമയത്ത് ലെവല്‍ ക്രോസ് അടച്ചില്ലെന്നും പരാതി ഉയര്‍ന്നിട്ടുണ്ട്. വിഷയത്തില്‍ സ്റ്റേഷന്‍ മാസ്റ്റര്‍ കെഎസ് വിനോദിനെ റെയില്‍വെ സസ്‌പെന്‍ഡ് ചെയ്തു.
എഞ്ചിനുകള്‍ മാറ്റുന്ന ഷണ്ടിംഗ് നടപടികള്‍ക്കായാണ് ഇന്ന് രാവിലെ ആറരയോടെ മൂന്ന് ട്രാക്കുകളിലായി കോച്ചുകള്‍ നിര്‍ത്തിയിട്ടത്. ഇതുമൂലം മറ്റ് ട്രെയിനുകള്‍ സ്റ്റേഷൻ പരിധിക്ക് പുറത്ത് പ്രവേശനം ലഭിക്കാതെ കാത്തിരിക്കേണ്ടി വന്നു. ഇത് വലിയ ഗതാഗത തടസം സൃഷ്ട്ടിച്ചു. തുടര്‍ന്ന് ഏറനാട്, എറണാകുളം പാസഞ്ചര്‍ എന്നിവ പിടിച്ചിട്ടു. ധൻബാദ് എക്സ്പ്രസ് ഒന്നര മണിക്കൂര്‍ വൈകി. ആലപ്പുഴ വഴിയുള്ള ആറോളം ട്രെയിനുകള്‍ വൈകിയെന്നാണ് വിവരം.
The post appeared first on .
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
