കൊച്ചി: ജോജു ജോര്‍ജ്ജ് ഇരട്ട വേഷത്തില്‍ നായകനായി എത്തുന്ന ചിത്രത്തിന്റെ ട്രെയ്ലര്‍ പുറത്തിറങ്ങി. നിരവധി സസ്‌പെന്‍സുകള്‍ ഒളിപ്പിച്ചു വെച്ചു കൊണ്ട് ഒരു പോലീസ് ക്രൈം ഇന്‍വെസ്റ്റിഗേഷന്‍ ത്രില്ലര്‍ ആയി ആണ് ഇരട്ട അണിയിച്ചൊരുക്കുന്നത്. വിനോദ്, പ്രമോദ് എന്നീ ഇരട്ട സഹോദരന്മാരായാണ് ജോജു ഈ ചിത്രത്തില്‍ എത്തുന്നത്.
നവാഗതനായ രോഹിത് എം.ജി. കൃഷ്ണന് ആണ് ചിത്രത്തിന്റെ സംവിധായകന്‍. തമിഴ് താരം അഞ്ജലി ആണ് ചിത്രത്തില്‍ നായികയായില്‍ എത്തുന്നത്. ജോജു ജോര്‍ജിന്റെ ഉടമസ്ഥതയിലുള്ള അപ്പു പാത്തു പാപ്പു പ്രൊഡക്ഷന്‍സും മാര്‍ട്ടിന്‍ പ്രക്കാട്ട് ഫിലിംസും സിജോ വടക്കനും ചേര്‍ന്നാണ് ചിത്രത്തിന്റെ നിര്‍മ്മാണം.
സംസ്ഥാന-ദേശീയ അവാര്‍ഡുകള്‍ സ്വന്തമാക്കിയിട്ടുള്ള ജോജു ജോര്‍ജിന്റെ കരിയറിലെ മറ്റൊരു വഴിത്തിരിവ് ആകും ഇരട്ടയിലെ കഥാപാത്രങ്ങള്‍. നിരവധി സിനിമകളില്‍ പോലീസ് വേഷങ്ങള്‍ ചെയ്ത് ഞെട്ടിച്ച ജോജുവിന്റെ കരിയറിലെ മറ്റൊരു മികച്ച പോലീസ് വേഷം ആയിരിക്കും ഇരട്ടയിലേത് എന്ന സൂചനയും ട്രെയിലര്‍ നല്‍കുന്നു. ജോജു ജോര്‍ജ്ജ് അഞ്ജലി എന്നിവരെ കൂടാതെ ശ്രീന്ദ, ആര്യ സലിം, ശ്രീകാന്ത് മുരളി, സാബുമോന്‍, അഭിരാം എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
The post ‘ഇരട്ട’യായി ജോജു: ട്രെയ്ലര്‍ പുറത്തുവിട്ടു appeared first on Navakerala News.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
