സ്വന്തം ലേഖകൻ
വണ്ണപ്പുറം: തൊടുപുഴ വണ്ണപ്പുറത്ത് സ്വകാര്യ ബസും സ്കൂട്ടറും കൂട്ടിയിടിച്ച് രണ്ടു പേർക്ക് പരുക്ക്. സ്കൂട്ടർ യാത്രക്കാരായ കോലഞ്ചേരി ഐക്കരനാട് നെവിൻ (28) താഴത്തുകുന്നേൽ,കല്ലുക്കുടത്തിൽ ജെറിൻ (26) എന്നിവർക്കാണ് പരുക്ക്.
ഇന്നലെ വൈകിട്ടാണ് അപകടം . വണ്ണപ്പുറം ടൗണിൽ നിന്ന് മുണ്ടൻമുടിയിലേക്ക് പോയ സ്കൂട്ടറും ചേലച്ചുവട് നിന്നു വന്ന സ്വകാര്യ ബസുമാണ് കൂട്ടിയിടിച്ചത്.
അപകടത്തിൽപെട്ട സ്കൂട്ടർ ബസിന്റെ അടിയിൽപെട്ടു. യാത്രക്കാരെ ബസിന്റെ അടിയിൽ നിന്നും ബസിലെ യാത്രക്കാരും നാട്ടുകാരും ചേർന്നാണ് പുറത്തെടുത്തത്.
പരുക്കേറ്റവരെ തൊടുപുഴയിലെ സ്വകാര്യ ആശുപത്രിയിൽ പ്രവേശിപ്പിച്ചു. കാളിയാർ എസ്എച്ച്ഒ എച്ച്.എൽ. ഹണി, എസ്ഐ കെ. സിനോദ് , സ്പെഷൽ ബ്രാഞ്ച് എസ്ഐ ബിജുമോൻ എന്നിവരുടെ നേതൃത്വത്തിൽ സ്ഥലത്ത് എത്തി നടപടികൾ സ്വീകരിച്ചു.
The post തൊടുപുഴ വണ്ണപ്പുറത്ത് സ്വകാര്യ ബസും സ്കൂട്ടറും കൂട്ടിയിടിച്ച് അപകടം; കോലഞ്ചേരി സ്വദേശികളായ സ്കൂട്ടർ യാത്രികർക്ക് പരിക്ക് appeared first on Third Eye News Live.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
